13 чэрвеня творчы калектыў сектара пазастацыянарнага абслугоўвання насельніцтва Дзятлаўскага раённага цэнтра культуры і народнай творчасці разам з кіраўніцтвам летніка Лявонавіцкага дзіцячага сада-базавай школы правёў забаўляльна-гульнёвую праграму “Цуды паляны казак”.
У госці да дзяцей аздараўленчага летніка завіталі Пэпі, Пятрушка, клоўн Цяпа. Яны прапанавалі дзятве вясёлыя конкурсы, цікавыя гульні. Героі казак запрасілі прыняць удзел у вясёлым флэш-мобе. Дзеці ахвотна танцавалі, а затым падарожнічалі па станцыях “Спартыўная”, “Гульнёвая”, “Інтэлектуальная”, “Танцавальная”. Вялікае задавальненне ў адпачывальнікаў летніка “Вясёлка” выклікалі забавы на батуце.
Г. ХАРЛІНСКАЯ,
загадчыца сектара пазастацыянарнага абслугоўвання насельніцтва Цэнтра культуры і народнай творчасці