Беларусь і Латвія прымуць чэмпіянат свету па хакеі ў 2021 годзе

Беларусь і Латвія прымуць чэмпіянат свету па хакеі ў 2021 годзе. Аб гэтым стала вядома па выніках галасавання ў ходзе кангрэса Міжнароднай федэрацыі хакея (ІІХФ), які праходзіў у Кёльне, паведаміў карэспандэнт БЕЛТА. Галасаванне па выбары месца правядзення сусветнага форуму ў 2021 годзе ў атэлі Hyatt Regency Cologne было тайным. За сумесную заяўку Мінска і Рыгі на кангрэсе ІІХФ было пададзена 55 галасоў, за заяўку Фінляндыі — 52. Беларусь і Латвія падалі сумесную заяўку на правядзенне чэмпіянату свету па хакеі ў студзені бягучага года. У Латвіі чэмпіянат упершыню праводзіўся ў 2006 годзе. Беларусь станавілася гаспадыняй сусветнага форуму ў 2014 годзе. Плануецца, што фінал і паўфінальныя матчы чэмпіянату свету 2021 года пройдуць у Мінску.