У гасцях у Дзеда Зімніка і Бабы Завірухі
З 10 па 30 снежня ў вёсцы Залейкі будзе праходзіць каляднае свята.
Каб трапіць на сядзібу Дзеда Зімніка, неабходна прайсці па-сапраўдным казачным лесе, дзе будуць чакаць цікавыя прыгоды і сустрэчы з ляснымі насельнікамі.
Тэатр — душа мая
14-15 снежня ў горадзе Іўе ў рамках абласнога семінара-практыкума рэжысёраў народных і ўзорных тэатраў, кіраўнікоў аматарскіх тэатральных калектываў па тэме «Пошук новых шляхоў развіцця аматарскага тэатра» адбудзецца свята «Тэатр — душа мая». Мерапрыемства праводзіцца з мэтай выяўлення, падтрымкі таленавітых тэатральных калектываў.
Нязгасная зорка на Беларускім небасхіле
15 снежня ў Мастоўскай раённай бібліятэцы ў рамках раённага бібліятэчнага конкурсу «Год культуры крочыць па краіне» пройдзе арт-праект, прысвечаны 125-годдзю з дня нараджэння Максіма Багдановіча. У час мерапрыемства адбудуцца літаратурна-музычная імпрэза, выстава экспанатаў з фондаў Гродзенскага музея Максіма Багдановіча, Гудзевіцкага дзяржаўнага літаратурна-краязнаўчага музея, выстава дзіцячых малюнкаў.
Сваёй прафесіяй ганаруся
15 снежня ў Шчучынскім раённым цэнтры культуры і народнай творчасці пройдзе раённы конкурс маладых спецыялістаў. Удзельнікі мерапрыемства раскажуць гледачам аб асаблівасцях сваёй прафесіі.
Свая гульня
17 снежня ў аграгарадку Малі пройдзе калядны турнір аматарскага аб’яднання «Свая гульня».
У праграме — канцэртная праграма, тэатралізаванае прадстаўленне, інтэлектуальная гульня «Што? Дзе? Калі?».
Сход пад Новы Год
Раённае шоу -конкурс пройдзе 18 снежня. У праграме — святочнае шэсце навагодніх персанажаў, конкурс на лепшае навагодняе віншаванне ад Дзеда Мароза і Снягуркі, масавы карагод, танцавальны флэш-моб.
Падрыхтавала да друку А. ДУБРОЎСКАЯ
