На Дзятлаўшчыне ў рамках Года гістарычнай памяці прайшоў велапрабег “Ад помніка да помніка”.
У ім прынялі ўдзел члены працоўных калектываў арганізацый і ўстановаў раёна, прадстаўнікі прафсаюзаў і грамадскіх аб’яднанняў, навучэнцы школ – усяго каля ста веласіпедыстаў. Стартавалі на стадыёне “Колас”, а фінішавалі каля магазіна “Санта” ў Дзятлаве. Праехалі каля дзесяці кіламетраў. Наведалі абеліск Славы, брацкія магілы ў гарадскім парку, лясным масіве недалёка ад Дзятлава па дарозе на вёску Курпяшы, ва ўрочышчы “Цагельня”, дзе ўшанавалі памяць загінулых у гады Вялікай Айчыннай вайны і ўсклалі вянкі. Таксама велапрабег суправаджаўся кароткімі экскурсіямі. Аб кожным з памятных месцаў, дзе спынялася група, расказвала старшы навуковы супрацоўнік раённага гісторыка-краязнаўчага музея Алена Абрамчык.
Удзельнікі велапрабегу падзяліліся сваімі ўражаннямі.
Алена Хрышчановіч, бібліятэкар аддзела фарміравання бібліятэчнага фонду Дзятлаўскай раённай бібліятэкі:
– Гэта мой першы велапрабег. Прыемна, што сённяшні веламаршрут праходзіў праз памятныя мясціны нашага раёна. Увесь шлях праехалі адной згуртаванай групай. Радуе, што былі не толькі дарослыя, але і дзеці – падрастаючаму пакаленню неабходна ведаць, якой цаной нашым продкам дасталася Вялікая Перамога. Усе разам мы ўшанавалі памяць землякоў, якія загінулі ў гады Вялікай Айчыннай вайны, таксама даведаліся ад экскурсавода штосьці новае аб кожным з мемарыялаў. Падзеі мінулага ніколі нельга забываць, трэба заўсёды памятаць пра тых, хто падарыў нам мірную будучыню.
Ганна Талкун, навучэнка 11 класа гімназіі № 1 горада Дзятлава:
– Некаторыя памятныя аб’екты наведала ўпершыню. Такія мерапрыемствы заўсёды кранаюць за душу, яны не праходзяць бясследна. Я буду памятаць пра сваіх землякоў, дзякуючы якім жыхары Дзятлаўшчыны сустрэлі ўжо 77 мірную вясну. Раскажу пра веламаршрут сябрам, чаму б ім таксама не праехаць яго і больш даведацца аб гістарычным мінулым роднага краю.
Вадзім ФІЛІПОЎСКІ
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
Пад кіраўніцтвам старшыні райвыканкама Андрэя Садоўскага з удзелам старшыні раённага Савета дэпутатаў Аляксандра Бараноўскага прайшло…
Под зарплатой «в конверте» принято понимать незаконную форму оплаты труда, при которой часть или весь…
Другі раз запар у Беларусі прайшоў рэспубліканскі міжведамасны адукацыйны праект “Запусці сэрца”, арганізатарамі якога выступаюць…
У рамках месячніка Таварыства Чырвонага Крыжа ў Дзятлаве адбылося ўрачыстае ўручэнне пасведчанняў новым валанцёрам аб’яднання.…
Президент Беларуси Александр Лукашенко на заседании Высшего Евразийского экономического совета назвал базовые цели ЕАЭС, передает корреспондент БЕЛТА. "Реагировать…
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga