Упраўленне па працы, занятасці і сацыяльнай абароне райвыканкама на летніх канікулах актывізавала інфармацыйна-ідэалагічную і выхаваўчую работу са школьнікамі.
У вольны ад вучобы час, у тым ліку ў дзіцячых аздараўленчых летніках, спецыялісты службы ладзяць з дзецьмі мерапрыемствы прафарыентацыйнай акцыі “Крок у прафесію”.
Адна з сустрэч адбылася ў гімназіі № 1 горада Дзятлава. Намеснік начальніка аддзела па працы і занятасці Ірына Баравік расказала гімназістам, як з дапамогай новага аднайменнага лічбавага сэрвісу “Крок у прафесію”, размешчанага ў адкрытым доступе на партале дзяржаўнай службы занятасці па адрасе: https://gsz.gov.by/popr/ можна прайсці тэсціраванне трох тыпаў. Так, тэст па прафарыентацыі дазваляе кожнаму канкрэтнаму навучэнцу вызначыць сферу яго інтарэсаў і магчымы топ-прафесій. Тэст на прафесійны адбор “падкажа”, наколькі выбраная прафесія падыходзіць тэстуемаму. Комплекснае ж тэсціраванне “намалюе партрэт” таго, хто адказвае на пытанні, і падбярэ для яго прапановы па прыдатных прафесіях.
Размаўляючы з гімназістамі, Ірына Баравік падкрэсліла, што ў адрозненне ад звычайнай дапамогі па выбары прафесій, сэрвіс дазваляе не толькі прайсці глыбіннае даследаванне, ацаніць сферу інтарэсаў і наколькі чалавеку падыходзіць пэўная спецыяльнасць, але і даведацца аб запатрабаванасці такіх спецыялістаў на рынку працы.
Ірына СТЫРНІК
Фотаздымкі прадастаўлены Ірынай БАРАВІК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
