Кацярына Дубешка:
– Мне выпала выдатная магчымасць прадстаўляць моладзь Дзятлаўшчыны на абласным моладзевым форуме. Радуе, што ў гэтым маштабным мерапрыемстве будуць прымаць удзел дэлегацыі з усёй Гродзенскай вобласці. Гэта цудоўная магчымасць сустрэцца з аднадумцамі, атрымаць зарад энергіі і ўпэўніцца, што моладзь Беларусі правільна разумее выбраны нашай дзяржавай курс – за мір, стабільнасць, незалежнасць.
Вячаслаў Сарачынскі:
– З задавальненнем прыму ўдзел у абласным моладзевым форуме, каб выказаць сваю грамадзянскую пазіцыю і свае адносіны да таго, што адбываецца ў краіне. Крайне не згодны з тымі бацькамі, якія падвяргаюць небяспецы сваіх непаўналетніх дзяцей. Я бацька двух дачок, і выдатна разумею, што іх будучыня і тое, у якой краіне яны будуць жыць, залежыць ад грамадзянскай пазіцыі, якую займаю я. Хачу, каб мае дзеці памяталі подзвігі дзедаў і прадзедаў і тое, якой цаной нам дасталася мірная краіна. Менавіта пра гэта буду расказваць сваім дзецям.
Кацярына Хілімончык:
– У складзе моладзевай дэлегацыі Дзятлаўшчыны больш за 50 % членаў Дзятлаўскай раённай арганізацыі ГА “БРСМ”. Гэта сведчыць аб тым, што наша раённая арганізацыя мае сваю дакладную пазіцыю наконт будучыні нашай дзяржавы. Мы за тое, каб Беларусь заставалася мірнай і незалежнай краінай, каб у беларускай моладзі былі такія ж ільготы і гарантыі, якія ёсць у нас сёння. А гэта і магчымасць бясплатна атрымліваць адукацыю, і гарантаванае першае месца работы, і льготныя крэдыты для маладых спецыялістаў, і важкая падтрымка сем’яў, дзе гадуюцца дзеці, і многае іншае.
Таццяна Пазняк:
– Абласны моладзевы форум – гэта выдатная пляцоўка для канструкцыйнага дыялога і вырашэння актуальных і надзённых праблем, якія сёння хвалююць маладых беларусаў. Спадзяюся пачуць там шмат важнай і карыснай інфармацыі, якую як настаўніца і педагог-арганізатар пастараюся данесці да падрастаючага пакалення.
