У 2021 годзе па Гродзенскай вобласці зарэгітравана 101 злачынства сэксуальнага характару, у Дзятлаўскім раёне – 4, лічбы сёлетняй статыстыкі за студзень-красавік – 56 падобных злачынстваў на Гродзеншчыне, у нашым раёне ў гэты ж перыяд – ніводнага.
Разам з тым, варта ведаць, што крымінальным заканадаўствам прадугледжана адказнасць за палавыя зносіны і іншыя дзеянні сексуальнага характару з асобай, якая не дасягнула шаснаццацігадовага ўзросту, прычым і ў тых выпадках, калі дапушчаны яны без падаўлення свабоды волі пацярпелага праз фізічны або псіхалагічны гвалт і без выкарыстання бездапаможнага стану падлетка – з яго добраахвотнай згоды. Для тых, хто ўжо дасягнуў 18-і гадоў, за гэта прадугледжана пакаранне, у тым ліку з пазбаўленнем волі.
З-за высокай латэнтнасці падобных злачынстваў найчасцей праваахоўнікам даводзіцца сутыкацца з ужо здзейсненымі фактамі. З-за ўзросту, абмежаванасці жыццёвага вопыту дзеці не могуць разумець характар і значэнне сексуальных дзеянняў, аказваць ім супраціўленне. Асаблівасцю некаторых крымінальных спраў з’яўляецца тое, што вінаватымі выступаюць блізкія людзі пацярпелых – маці, бацька, айчым. Часта злачынцы рознымі спосабамі ўздзеяння вымушаюць дзяцей утойваць факты. У шэрагу выпадкаў знаёмствы з непаўналетнімі злачынцы заводзяць у інтэрнэце, дасылаюць дзецям фота ці відэаматэрыялы парнаграфічнага зместу, падманваючы, што так модна. Перапіска можа доўжыцца месяцамі і нават гадамі. Гвалт пакідае жорсткі след на псіхічным і фізічным стане дзіцяці: у яго выпрацоўваецца комплекс віны, яно лічыць сябе горшым за аднагодкаў, становіцца замкнёным ці агрэсіўным.
Атрымаць інфармацыйную дапамогу па тэме можна на інтэрнэт-сайце POMOGUT.BY.
Пры выяўленні замахаў на палавую недатыкальнасць ці свабоду непаўналетніх, а таксама асобаў, якія ўжо дасягнулі 18-гадовага ўзросту, міліцыя просіць жыхароў раёна неадкладна паведамляць у групу наркакантролю і супрацьдзеяння гандлю людзьмі АУС Дзятлаўскага райвыканкама па тэлефоне 2-14-34 ці ў аператыўна-дзяжурную службу на нумар 102. Ананімнасць гарантуецца.
Валерый БАРОЎСКІ,
старшы оперупаўнаважаны групы наркакантролю і супрацьдзеяння гандлю людзьмі АУС Дзятлаўскага райвыканкама
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
У Год беларускай жанчыны на старонках газеты “Перамога” расказваем пра нашых зямлячак, якія змагаліся на…
У раённым Цэнтры культуры і народнай творчасці прайшоў святочны канцэрт-шанаванне, прысвечаны надыходзячаму Дню медыцынскіх работнікаў.…
За невыкананне работ па падтрыманні належнага санітарнага стану на тэрыторыях зямель агульнага карыстання населеных пунктаў,…
Гэта высвятлялі выхаванцы летніка “Крута” гімназіі № 1 горада Дзятлава, наведаўшыся ў рэдакцыю раённай газеты…
Чым жыве летнік Выхаванцы летніка “Усмешка” сярэдняй школы № 1 горада Дзятлава імя А. М.…
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga