Здарэнні

Гарэў рулон сена

Дзятлаўскія ратаўнікі прынялі паведамленне аб загаранні рулона сена каля лясу непадалёку ад вёскі Боркі.

Аператыўныя дзеянні дазволілі хутка справіцца з узгараннем, у выніку пажару рулон толькі часткова быў пашкоджаны агнём. Асноўная версія здарэння — падпал і неасцярожнае абыходжанне з агнём неўстаноўленай асобы.

Разрыў ацяпляльнага катла

У аграгарадку Малі Астравецкага раёна ў падвале прыватнага дома разарваўся ацяпляльны кацёл.

Высветлілася, што гаспадар дома раніцай падпаліў кацёл, забыўшыся адкрыць кран падачы вады ў сістэму. Праз некаторы час мужчына адкрыў яго, і адразу ж адбыўся разрыў катла.

У выніку інцыдэнту пашкоджаны кацёл і пяць дзвярных праёмаў. Гаспадар атрымаў тэрмічныя апёкі 2-3 ступені.

Загінуў пенсіянер

У аграгарадку Дэмбрава Шчучынскага раёна ў час пажару ў сваім доме загінуў 89-гадовы пенсіянер.

Асноўная версія пажару — кароткае замыканне электрагрэлкі.

А. БЕЛЕНКА,
інспектар Дзятлаўскага РАНС