Праваслаўныя вернікі 18 студзеня адзначаюць Хрышчэнскі пярэдадзень, а 19 студзеня — свята Богаз’яўленне, або Хрышчэнне Гасподняе. Ва ўсіх цэрквах адбываецца вялікае асвячэнне вады.
Карэспандэнты газеты «Перамога» пабылі ў вёсцы Цяцейкі на аграсядзібе «Каля дуба». Сёння гаспадары сядзібы Сяргей Міхайлавіч і Жанна Юр’еўна Калпінскія сустракалі гасцей. Галоўным госцем, вядома ж, быў праваслаўны святар — айцец Сергій Антошкаў, настаяцель храма Пакрова Прасвятой Багародзіцы аграгарадка Дварэц. Ён адслужыў малебен і асвяціў ваду ў крыжападобнай палонцы «Іардані» на мясцовай азярыне і ў сасудах, якія загадзя падрыхтавалі вернікі.
Варта адзначыць, што асвячэнне вады напярэдадні Богаз’яўлення стала ў Цяцейках добрай традыцыяй, пра якую на Дзятлаўшчыне ведаюць многія. А таму каля «Іардані» сабраліся не толькі мясцовыя жыхары, а і госці з іншых куткоў раёна.
Пасля малебна айцец Сергій павіншаваў прысутных са святам. Вернікі мелі магчымасць акунуцца ў «Іардань» або проста абмыць вадою твар. Самымі смелымі сёлета аказаліся жанчыны. Яны не пабаяліся холаду і першыя акунуліся ў купель.
Усе, хто пабыў на асвячэнні, назапасілі для сябе святой вады. Хрышчэнская вада з’яўляецца вялікай святыняй і не псуецца доўгі час, а захоўваць яе лепш побач з хатнім іканастасам.
І. КАЎКЕЛЬ
Фота П. АДАМЧУКА
Рамін Чабанаў, гаспадар магазіна “Фруктовая крама”, што знаходзіцца па вуліцы Леніна ў горадзе Дзятлаве, родам…
У горадзе Дзятлаве па вуліцы Слонімскай, 27 працуе фірменны магазін айчыннага вытворцы “Мэбля Пінскдрэў”, які…
Паважаныя работнікі і ветэраны галіны гандлю! Прыміце шчырыя віншаванні з прафесійным святам! Ваша галіна ўносіць…
Пытанне: што чакае маладога спецыяліста, які не выйшаў на работу па размеркаванні? Адказ: такі факт…
31 июля Госавтоинспекция проведет Единый день безопасности дорожного движения, посвященный пропаганде использования ремней безопасности, детских удерживающих устройств и мотошлемов.…
Звычайны дзень у сельскім выканаўчым камітэце: хтосьці просіць пахадайнічаць аб больш спрыяльным раскладзе аўтобусаў, другі…