За справу – разам! Уклад у азеляненне краіны

У рэспубліканскай дабрачыннай акцыі “Дай лесу новае жыццё!” прымае ўдзел усё больш калектываў Дзятлаўшчыны, далучыліся і супрацоўнікі пракуратуры, Следчага камітэта, раённага аддзела па надзвычайных сітуацыях. Яны садзілі елкі і сосны на адным з участкаў Вензавецкага лясніцтва.

– Мы жывём у самым зялёным раёне Гродзенскай вобласці, лясы ў нас пакрываюць больш за палову плошчы. Хочацца, каб іх колькасць не змяншалася, таму калектыву пракуратуры Дзятлаўскага раёна вельмі прыемна прыняць удзел у акцыі “Дай лесу новае жыццё!”, унесці свой уклад у азеляненне роднай краіны, – адзначыў пракурор Дзятлаўскага раёна Віталій Юрго.

Начальнік раённага аддзела Следчага камітэта Таццяна Пратаковіч дадала, што яны з калегамі таксама не першы раз удзельнічаюць у падобным мерапрыемстве, лічаць яго карысным, бо аднаўляць лясы неабходна, каб будучым пакаленням засталася такая ж прыгожая, зялёная Беларусь.

– Ратаўнікі заўжды прыходзяць на дапамогу, і не толькі ў барацьбе са стыхіямі і бедствамі, але і ў карысных справах, – заўважыў начальнік раённага аддзела па надзвычайных сітуацыях Сяргей Казушчык. – Спадзяюся, што праз некалькі гадоў на гэтым месцы, дзе мы садзім дрэўцы, вырасце прыгожы малады лес, які будзе радаваць землякоў.

 Дзятлаўскі аддзел Дэпартамента аховы далучыўся да акцыі.

Святлана ГРЫШЫНА

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga

#Дятловщина #нашалепшае #нашелучшее  #лес #акция