Паважаныя жыхары Дзятлаўскага раёна!
Сардэчна віншуем вас са Светлым Хрыстовым Уваскрэсеннем – Вялікаднем!
Свята Вялікадня – гэта сапраўды вялікае свята для кожнага хрысціяніна. Перажыванні велікодных святаў нязменна напаўняюць нас, хрысціян, надзеяй і ўсяляюць у нашы сэрцы спакой.
Гэта свята адрозніваецца веліччу і незвычайнай урачыстасцю, успрымаецца як галоўны сімвал адраджэння і надзеі, вернасці маральнаму абавязку.
У ім заключаецца велізарны сэнс, яно служыць крыніцай, з якой многія чэрпаюць духоўную сілу, натхняе на стваральную працу і ўдасканаленне, служыць апорай веры, сімвалам надзеі і любові да бліжняга.
Няхай велікодны настрой напоўніць вашы дамы, прыносячы з сабой радасць і душэўны спакой, натхняе на міласэрдныя ўчынкі.
Жадаем усім міру, моцнага здароўя, поспехаў у справах і пачынаннях, шчасця і дабрабыту!
Раённы Савет дэпутатаў
Раённы выканаўчы камітэт
