У Дзятлаўскім філіяле КУП “Гроднааблпаліва” працуе грамадзянін афрыканскай Рэспублікі Бенін – Доса Рышар Фатон.
На радзіме ён рэалізаваў сябе ў педагагічнай справе, у Дзятлаўскі раён яго таксама прывёў лёс бацькі-выхавальніка ў вялікую прыёмную сям’ю.
На працягу 15 гадоў разам з Людмілай Асіпук-Фатон яны з любоўю гадуюць родных і прыёмных дзяцей, многія з якіх ужо дарослыя, даўно стварылі свае сем’і.
Сам мужчына, маючы жаданне быць карысным не толькі дома, зарабляць грошы ўласнай працай, атрымаў у Баранавічах рабочую спецыяльнасць і быў прыняты ў дружную каманду філіяла спачатку памочнікам, а затым дрывакольшчыкам. Доса Рышар свабодна валодае англійскай, французскай, трыма афрыканскімі мовамі, добра разумее рускую, разам з тым вельмі адказна адносіцца да сваіх новых абавязкаў, ні ў чым не саступаючы калегам. Начальства характарызуе яго як надзейнага працавітага работніка, афрыканца цёпла прынялі ў калектыве.
Мужчына кажа, што шчыра палюбіў нашу краіну, нягледзячы на нязвыклыя кліматычныя ўмовы. Асабліва яго ўразілі самі беларусы, якія з дабрынёй і спагадай адносяцца да іншых людзей.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
У рэдакцыю газеты “Перамога” звярнулася жыхарка райцэнтра з пытаннем, якое даўно яе непакоіла: – Праз…
30 чэрвеня ў Беларусі адзначаецца Дзень эканаміста. Ад імя кіраўніцтва раёна работнікаў гэтай важнай прафесіі…
У час правядзення ўборачнай кампаніі ў Дзятлаўскім раёне інспектары МА ДАІ Слонімскага РАУС наведаюць аграпрамысловыя…
Ужо зусім хутка на Дзятлаўшчыне пачнецца ўборачная кампанія. Напярэдадні камісія на чале з першым намеснікам…
З 2024 года Дзятлаўская раённая бібліятэка прымае ўдзел у праекце бібліятэчнага тэатра кніжных прадстаўленняў “Магія…
Кніга – верны і незаменны спадарожнік дзяцінства. Менавіта яна з першых гадоў жыцця вучыць маленькага…