Адказ на гэтае пытанне можна знайсці ў фільме “Душа абаронцы”, прэм’ерны паказ якога адбыўся 12 лютага ў кінатэатрах Беларусі. Гэта мастацка-публіцыстычная стужка ад нацыянальнай кінастудыі “Беларусьфільм”, знятая нашым вядомым рэжысёрам і тэлежурналістам Рыгорам Азаронкам, глыбока даследуе тэму абароны Радзімы.
Каб усвядоміць цяперашнія рэаліі, паказаць чалавечнасць і спачуванне ва ўмовах вайны, натхніць гледача на разважанні пра важнасць міру, Рыгор Азаронак адпраўляецца на беларуска-ўкраінскую граніцу, дзе сустракаецца з салдатамі, ваеннымі, камандзірамі і даведваецца пра іх жыццё.
Кінастужка створана пры садзейнічанні і супрацоўніцтве з пагранічным камітэтам, МУС і Міністэрствам абароны ў рэальных лакацыях Узброеных Сіл Рэспублікі Беларусь.
У кінатэатр “Спадарожнік” у райцэнтры першымі прыйшлі паглядзець фільм “Душа абаронцы” старшакласнікі сярэдняй школы № 1 горада Дзятлава імя А. М. Чурылы. Пацікавіліся, ці спадабалася ім кіно.
Іван Нічыпаровіч:
– Ад прагляду засталіся толькі станоўчыя ўражанні, хоць эмоцыі былі розныя: і гонар за нашых абаронцаў Айчыны, і перажыванні за іх лёс у небяспечных сітуацыях, і ўдзячнасць за тое, што, нават рызыкуючы сваім жыццём, яны даюць магчымасць нам жыць у міры і спакоі. Хочацца быць падобным на іх – мужных, упэўненых у сабе і сваіх перакананнях.
Паліна Кіцун і Соф’я Сіняк:
– Цікава было паглядзець пра жыццё ваенных, разумееш, што яны сапраўдныя абаронцы – нясуць службу не дзеля славы і ўзнагарод, а дзеля міру на роднай зямлі. Уразіла і тое, што сваё прызванне ў справе служэння Айчыне знаходзяць і жанчыны.
Святлана ГРЫШЫНА
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#нашелучшее #нашалепшае
