Выязны прыём у Дзятлаве правядзе 30 сакавіка намеснік кіраўніка Адміністрацыі Прэзідэнта Валерый Міцкевіч

Кіраўніцтва і службовыя асобы Адміністрацыі Прэзідэнта Беларусі правядуць у сакавіку выязныя прыёмы грамадзян і юрыдычных асоб у рэгіёнах.

Так, памочнік Прэзідэнта — інспектар па Брэсцкай вобласці Васіль Герасімаў правядзе прыём у Драгічыне 5 сакавіка і ў Пінску — 19 сакавіка. Памочнік Прэзідэнта — інспектар па Гомельскай вобласці Юрый Шулейка прыме жыхароў рэгіёна ў Жлобіне 6 сакавіка. У гэты ж дзень у Чавусах асабісты прыём правядзе памочнік Прэзідэнта — інспектар па Магілёўскай вобласці Генадзь Лаўранкоў. У Полацку 13 сакавіка адбудзецца прыём грамадзян памочнікам Прэзідэнта — інспектарам па Віцебскай вобласці Аляксандрам Субоціным. Памочнік Прэзідэнта — інспектар па Гродзенскай вобласці Сяргей Раўнейка 14 сакавіка будзе праводзіць прыём у Іўі; начальнік галоўнага ўпраўлення кадравай палітыкі Юрый Крывашэеў — у Мар’інай Горцы. У Навагрудку 15 сакавіка выязны прыём правядзе першы намеснік кіраўніка Адміністрацыі Прэзідэнта Максім Рыжанкоў. У Крупках 20 сакавіка пройдзе сустрэча з памочнікам Прэзідэнта — інспектарам па Мінскай вобласці Ігарам Яўсеевым. Памочнік Прэзідэнта — інспектар па Мінску Уладзімір Карпяк правядзе сустрэчу ў адміністрацыі Кастрычніцкага раёна Мінска 21 сакавіка. У гэты ж дзень у Ашмянах прыме грамадзян памочнік Прэзідэнта — інспектар па Гродзенскай вобласці Сяргей Раўнейка. У Магілёўскім раёне 23 сакавіка правядзе сустрэчу намеснік кіраўніка Адміністрацыі Прэзідэнта Мікалай Снапкоў. Памочнік Прэзідэнта — інспектар па Гомельскай вобласці Юрый Шулейка прыме жыхароў рэгіёна ў горадзе Карма 27 сакавіка. На наступны дзень, 28 сакавіка, выязныя прыёмы правядуць: у Светлагорску — начальнік галоўнага эканамічнага ўпраўлення Дзмітрый Барабанаў; у Маладзечне — начальнік галоўнага дзяржаўна-прававога ўпраўлення Андрэй Мацельскі. Начальнік галоўнага ўпраўлення па ўзаемаадносінах з органамі заканадаўчай і судовай улады, пытаннях грамадзянства і памілавання Жанна Цішчанка прыме грамадзян у Круглым 29 сакавіка.

Выязны прыём у Дзятлаве правядзе 30 сакавіка намеснік кіраўніка Адміністрацыі Прэзідэнта Валерый Міцкевіч.

Запісацца на прыём можна па тэлефонах аддзелаў па рабоце са зваротамі грамадзян адпаведных выканаўчых камітэтаў, адміністрацый раёнаў у гарадах.

БЕЛТА