У рамках акцыі “Свет дабрыні” навучэнцы і педагогі дзяржаўнай установы адукацыі «Казлоўшчынская сярэдняя школа» наведалі дзяржаўную ўстанову сацыяльнага абслугоўвання “Казлоўшчынскі псіханеўралагічны дом-інтэрнат для састарэлых і інвалідаў”, дзе створаны ўсе ўмовы, каб пажылы чалавек адчуваў сябе тут, як дома.
Навучэнцы выступілі перад адзінока пражываючымі людзьмі з агітбрыгадай “Нясём радасць”, падарылі сувеніры. Трэба было бачыць радасныя твары гэтых гледачоў, якія ацанілі праяўленую да іх увагу, якая кранула іх да глыбіні душы.
Затым навучэнцы разам з настаўнікамі наведалі выставу работ пажылых людзей і ўбачылі, як яны шыюць, вышываюць, робяць шэдэўры карцін.
“Дрэнна, калі людзі, якія імкнуцца да ўласнага дабрабыту, забываюць аб тым, што жывуць у свеце людзі, пра якіх трэба думаць”, – ціха, са слязьмі на вачах, прамовіў адзін з хлопцаў.
Імгненне дабрыні ў гэты дзень стала і для дзяцей, і для дарослых светам дабрыні.
І.ЛАМАКА,
настаўніца беларускай мовы і літаратуры Казлоўшчынскай сярэдняй школы
