На ўчастку № 16 у Новаяльнянскай сярэдняй школе датэрмінова прагаласаваў старшыня раённага Савета дэпутатаў Аляксандр Бараноўскі:
– Лічу, што галасаваць неабходна ўсім абавязкова. Я раблю гэта датэрмінова, таму што ў нядзелю буду на рабоце. Прагаласаваў усвядомлена, абдумана – за спакой, мір і дабрабыт наш і нашых дзяцей. Упэўнены, што ў Беларусі ўсё робіцца правільна, для людзей. Хочацца, каб і надалей мы адчувалі бяспеку і стабільнасць.
Старшыня Новаяльнянскага сельвыканкама Людміла Радзевіч таксама вырашыла аддаць свой голас за кандыдата ў Прэзідэнты ў першы дзень датэрміновага галасавання:
– Заўжды хаджу на выбары і раю гэта сваім землякам. Не трэба быць пасіўнымі ўдзельнікамі такой важнай падзеі, вынікі якой залежаць ад голасу кожнага з нас.
Новаяльнянка Людміла Філіпчык:
– Галасую заўсёды, бо для мяне важна жыць у спакойнай краіне, быць упэўненай у стабільнай будучыні родных і блізкіх. Вырашыла аддаць свой голас цяпер, а ў нядзелю хачу прыйсці на выбарчы ўчастак на канцэрт.
Старшыня ўчастковай выбарчай камісіі Юрый Габрусік расказаў, што на Новаяльнянскім участку першы дзень датэрміновага галасавання праходзіць вельмі актыўна. У спісы выбаршчыкаў тут унесены 2186 чалавек, каля сямі працэнтаў з іх ужо прагаласавалі, і людзі ідуць яшчэ.
Тром першым выбаршчыкам былі ўручаны падарункі ад раённай арганізацыі РГА “Белая Русь”.
Святлана ГРЫШЫНА
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#Президент #Выборы
