Выбары-2025. Дзятлаўчане галасуюць на даму

Грамадзяне, якія самі не маглі прыйсці на выбарчыя ўчасткі, а прагаласаваць хацелі, змаглі зрабіць гэта дома.

Разам з членамі выбарчай камісіі ўчастка № 9, які размяшчаецца ў гімназіі № 1 горада Дзятлава, накіроўваемся да людзей, якія пакінулі заяўкі для галасавання па месцы свайго жыхарства. Гэта былі ў асноўным людзі пажылога ўзросту, фізічна аслабленыя асобы, якія з-за розных абставінаў самастойна не змаглі дабрацца да выбарчага ўчастка.

З удзячнасцю, што іх наведалі ў гэты дзень, сустрэлі членаў выбарчай камісіі пенсіянеры Яніна Ложачнік і Іван Васілевіч:

– На выбарчы ўчастак па стане здароўя прыйсці цяжка, але прагаласаваць у дзень выбараў абавязкова хацелі. Сочым за галоўнымі падзеямі ў Беларусі, таму выбіраем таго кандыдата, які, упэўнены, будзе добра кіраваць краінай. Хочам, каб заўжды быў мір, унукі і праўнукі жылі дастойна. Верым, што так яно і будзе.

– Раней я сама была наглядальнікам на выбарах, таму добра ведаю, як гэта важна для краіны і кожнага грамадзяніна, – зазначае пенсіянерка Кацярына Іванюк. – Хочацца, каб і надалей жыццё ў нас было не горшае, чым цяпер. Сёння беларусы жывуць вельмі добра, у магазінах усяго хапае ўдосталь, медыцына даступная. Трэба толькі не ленавацца, працаваць сумленна, тады і будзеш усё мець. Я яшчэ памятаю тыя часы, як дзеці з малога дапамагалі бацькам, выконвалі цяжкую фізічную працу. Цяпер жывецца нашмат лягчэй. Жадаю працвітання роднай краіне і ўсім беларусам.

Святлана ГРЫШЫНА

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga

#Президент #Выборы