Вольга Рагачова: “Бежанцам абяцалі “прыгожае жыцце”, а на справе – цяжкая сітуацыя”

Позіркі мільёнаў беларусаў прыкаваны да экранаў тэлевізараў, газетных артыкулаў, навасных каналаў.

Людзі з заміраннем сэрца сочаць за развіццём сітуацыі з бежанцамі на беларуска-польскай мяжы. Нечалавечыя ўмовы, няўпэўненасць у заўтрашнім дні – чужы боль не пакідае раўнадушнымі нашых суайчыннікаў. Многія дэпутаты, палітолагі, лідары грамадскіх аб’яднанняў ужо пракаменціравалі сітуацыю.

Сваім меркаваннем дзеліцца начальнік аддзела ідэалагічнай работы, культуры і па справах моладзі райвыканкама, намеснік старшыні раённай арганізацыі РГА “Белая Русь” Вольга Рагачова:

– Сёння на беларуска-польскай мяжы мы назіраем складанае становішча.

Абяцанні прыгожага жыцця ў заходніх краінах падштурхнулі бежанцаў пакінуць свае дамы. У выніку яны апынуліся ў складанай жыццёвай сітуацыі: каля дзвюх тысяч ні ў чым не вінаватых людзей, якія былі вымушаныя бегчы ад адной бяды, трапілі ў іншую. У сярэдзіне лістапада, калі тэмпература паветра падае да нуля градусаў і ніжэй, яны начуюць пад адкрытым небам, у іх няма ежы, вады, у некаторых – нават цёплых рэчаў. У такіх умовах знаходзяцца маленькія дзеці і цяжарныя жанчыны.

Беларускі народ не можа абыякава глядзець на ўсё, што адбываецца, і прымае актыўны ўдзел у аказанні гуманітарнай дапамогі. Да мяжы падвозяць прадукты харчавання і адзенне.

Хацелася б звярнуцца да сусветнай супольнасці: праявіце разважлівасць і прыміце меры па выкананні правоў людзей.

Вельмі хочацца спадзявацца, што сітуацыя вырашыцца мірным шляхам у найбліжэйшы час.

Ірына СТЫРНІК

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga