6 мая моладзь Дзятлаўшчыны прыняла ўдзел у традыцыйным аўтобусным маршруце памяці “З лампадай каля Вечнага агню”, прымеркаваным да Дня Перамогі і 80-годдзя вызвалення Беларусі ад нямецка-фашысцкіх захопнікаў.
Маршрут быў арганізаваны раённым саветам ГА “БРПА” і раённым камітэтам ГА “БРСМ”. З кветкамі і лампадамі ад помніка да помніка накіраваліся навучэнцы сярэдняй школы № 3 і гімназіі № 1 горада Дзятлава – члены гэтых грамадскіх арганізацый, валанцёры, дэпутаты моладзевага парламента пры раённым Савеце дэпутатаў.
Урачыста адкрылі маршрут каля мемарыяла – брацкай магілы воінаў Чырвонай Арміі і партызанаў, загінулых пры вызваленні Дзятлаўшчыны, і магілаў Герояў Савецкага Саюза Яна Фогеля і Паўла Пятрова каардынатар дзейнасці моладзевага парламента пры раённым Савеце дэпутатаў, старшыня раённага савета піянераў Ірына Мішчанка і першы сакратар раённага камітэта ГА “БРСМ” Кацярына Хілімончык.
– Пачалася маштабная акцыя да Дня Перамогі, – адзначыла Кацярына Хілімончык. – Сёлета мы святкуем яшчэ і юбілейную дату – 80-годдзе вызвалення Беларусі ад нямецка-фашысцкіх захопнікаў. На нашых з вамі плячах ляжыць важкая адказнасць – захаваць памяць аб тых, хто падарыў нам гэтыя святы, выстаяў у баях або аддаў свае жыцці, абараняючы для нас мір і свабоду. Мы – апошняе пакаленне, якое застала ветэранаў жывымі. На Дзятлаўшчыне яшчэ ёсць ветэран Вялікай Айчыннай вайны Аляксандр Лях і тылавік Марыя Цімафейчык, а таксама малалетнія вязні фашысцкіх канцлагераў.
А сёння мы з вамі праедзем па памятных мясцінах і самае кранальнае з іх – мемарыял “Дзеці ліхалецця”, у памяць аб ахвярах вайны.
Удзельнікі аўтобуснага маршруту ў Дзятлаве наведалі яшчэ абеліск Славы, іх далейшы шлях прайшоў праз аграгарадкі Хвінявічы і Вензавец, вёску Малдавічы, гарадскі пасёлак Казлоўшчына. Ва ўсіх гэтых населеных пунктах з вахтай памяці спыняліся каля помнікаў загінулым у гады Вялікай Айчыннай вайны, ушаноўвалі іх памяць. Каля кожнага з мемарыялаў, як сімвал нязгаснай павагі і пашаны, засталіся маленькія лампадкі – часцінкі Вечнага агню.
Ірыны СТЫРНІК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#ДЕНЬ_ПОБЕДЫ_НА_ГРОДНЕНЩИНЕ
У Год беларускай жанчыны на старонках газеты “Перамога” расказваем пра нашых зямлячак, якія змагаліся на…
У раённым Цэнтры культуры і народнай творчасці прайшоў святочны канцэрт-шанаванне, прысвечаны надыходзячаму Дню медыцынскіх работнікаў.…
За невыкананне работ па падтрыманні належнага санітарнага стану на тэрыторыях зямель агульнага карыстання населеных пунктаў,…
Гэта высвятлялі выхаванцы летніка “Крута” гімназіі № 1 горада Дзятлава, наведаўшыся ў рэдакцыю раённай газеты…
Чым жыве летнік Выхаванцы летніка “Усмешка” сярэдняй школы № 1 горада Дзятлава імя А. М.…
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga