Валерый Верамейчык: “Людзям важна, якія каштоўнасці будуць у прыярытэце”

Дзятлаўчане прадаўжаюць дзяліцца меркаваннямі наконт змяненняў і дапаўненняў праекта Канстытуцыі.

Валерый Верамейчык, старшыня Жукоўшчынскага сельвыканкама:

– У нашай краіне праходзіць грамадскае абмеркаванне праекта Асноўнага Закона Рэспублікі Беларусь, і актыўны ўдзел грамадзян у ім сведчыць аб тым, што людзям важна, у якой краіне мы будзем жыць заўтра, якія каштоўнасці будуць у прыярытэце.

Для мяне вялікае значэнне мае тое, што папраўкі, якія ўносяцца ў абноўленую Канстытуцыю, захоўваюць сацыяльныя гарантыі для беларусаў і скіраваны на стварэнне даступнага асяроддзя і паляпшэння якасці жыцця інвалідаў, пажылых людзей.

Асаблівая ўвага ў праекце надаецца замацаванню традыцыйных сямейных каштоўнасцяў, патрыятычнаму выхаванню моладзі, захаванню гістарычнай памяці аб гераічным мінулым беларускага народа. Дзяржава па-ранейшаму прадоўжыць аказваць падтрымку сем’ям з дзецьмі, дзецям-сіротам і дзецям, якія засталіся без апекі бацькоў.

Выдатна, што кожны чалавек мае магчымасць выказаць сваё меркаванне, якое будзе пачута і, магчыма, адлюстравана ў новай Канстытуцыі.

Ірына СТЫРНІК 

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga