У актыўную фазу перайшла міжведамасная прафілактычная акцыя “Летні патруль”, скіраваная на папярэджанне няшчасных выпадкаў на вадзе.
– Сумесны рэйд па вадаёмах Дзятлаўшчыны ў рамках “Летняга патруля” на гэты раз арганізавалі супрацоўнікі АСВОДа, міліцыі, РАНС, ГА “БРСМ”, лясгаса, удзельнікі добраахвотных дружын, – расказаў старшыня Дзятлаўскай раённай арганізацыі АСВОД Сяргей Шпакоўскі. – Асаблівая ўвага ў час маніторынгу была звернута на выкананне такіх патрабаванняў бяспекі, як нашэнне ратавальных камізэлек у час рыбалкі з лодкі, недапушчэнне распіцця спіртных напояў каля вады і купання ў забароненых месцах, а таксама праверылі, ці не знаходзяцца на вадаёмах без суправаджэння дарослых непаўналетнія дзеці.
– Рэйд гэты не адзінкавы, – адзначыў старшы інжынер Дзятлаўскага РАНС Дзмітрый Лянцэвіч. – Практыку падобных прафілактычных мерапрыемстваў прадоўжым.
Ірына СТЫРНІК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
