У рамках рэспубліканскай прафілактычнай акцыі “Дом без насілля!”, якая праходзіць з 11 па 17 мая, участковы інспектар міліцыі аддзела ўнутраных спраў райвыканкама Віталій Грышук разам з членамі добраахвотнай дружыны і супрацоўнікам Дзятлаўскага РУП ЖКГ правялі рэйд па райцэнтры. Яны наведалі жылыя памяшканні, якія знаходзяцца на ўліку як “прытон”; праверылі асоб, не занятых у эканоміцы (непрацуючых); грамадзян, якія стаяць на прафілактычным уліку ў аддзеле аховы правапарадку і прафілактыкі за дамашняе насілле; якія вярнуліся з лячэбна-працоўнага прафілакторыя і не працуюць.
– Адна з мэтаў дадзенай акцыі – папярэджанне выпадкаў дамашняга насілля, што застаецца актуальным у сучасным грамадстве, – гаворыць Віталій Іванавіч. – Таму такіх грамадзян, якія стаяць у нас на ўліку, мы рэгулярна наведваем дома, бо менавіта яны вельмі часта бываюць дамашнімі агрэсарамі. Калі ж там яшчэ знаходзяцца асобы, схільныя да ўчынення правапарушэнняў, невядомыя або замежныя грамадзяне, правяраем іх на наяўнасць законнасці пражывання ў гэтым жылым памяшканні, непрацуючым даём паведамленні аб яўцы ў аддзел унутраных спраў. Той, хто туды не прыйдзе, будзе прыцягнуты да адказнасці за непадпарадкаванне супрацоўніку міліцыі – змешчаны ў ізалятар часовага ўтрымання.
Хачу нагадаць, што за ўчыненне дамашняга насілля ў сям’і прадугледжана адказнасць, у тым ліку і крымінальная. Акрамя гэтага, да асобы, якая дапусціла гвалт у адносінах да блізкіх, можа быць ужыта ахоўнае прадпісанне – дэбашыру ўстанаўліваюцца забароны на ўчыненне пэўных дзеянняў: наведваць і прадпрымаць спробы высвятляць месца знаходжання пацярпелага; мець зносіны з ім; распараджацца агульнай сумеснай маёмасцю, а таксама можа быць устаноўлены абавязак часова пакінуць агульнае з ім жылое памяшканне на тэрмін да 15 сутак. За парушэнне патрабаванняў ахоўнага прадпісання прадугледжана адміністрацыйная адказнасць па частцы 2 артыкула 10.1 Кодэкса аб адміністрацыйных правапарушэннях, за што вінаваты будзе пакараны штрафам ці адміністрацыйным арыштам.
Святлана ГРЫШЫНА
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
У раённым выканаўчым камітэце прайшло пасяджэнне па пытаннях падрыхтоўкі да асенне-зімовага перыяду. На ім выступілі…
Нарэшце ў Беларусь прыйшла тая самая абяцаная сіноптыкамі спёка. Ужо на гэтым тыдні слупок тэрмометра…
На Аўгустоўскім канале з ініцыятывы моладзевага крыла Гродзенскай абласной арганізацыі “Беларускі саюз жанчын” прайшла сустрэча…
У рамках дзейнасці грамадска-палітычнага цэнтра раённага аддзялення Гродзенскай вобласці Беларускай партыі “Белая Русь” пад кіраўніцтвам…
Галоўныя прынцыпы стварэння і забеспячэння здаровых і бяспечных штодзённых умоваў працы, у тым ліку пры…
Члены Савета Рэспублікі Нацыянальнага сходу Рэспублікі Беларусь Павел Ашурык і Алена Стальбоўская прынялі ўдзел ва…