Ці можа кніга быць стыльным аксэсуарам? Ці бывае мода на чытанне? У Казлоўшчынскай гарпасялковай бібліятэцы-цэнтры агульнадаступнай інфармацыі ўпэўнены: беларуская літаратура сёння – гэта не толькі глыбокія сэнсы, але і сапраўдны культурны шык. Менавіта таму тут стартаваў новы крэатыўны праект “Дрэс-код для беларускай кнігі”.
Сучаснага чытача цяжка здзівіць проста кнігай на паліцы. Ідэя праекта простая і адначасова глыбокая: прадставіць нацыянальнае слова праз эстэтыку і візуальныя вобразы, зрабіўшы працэс чытання часткай стыльнага жыцця.
Для гасцей бібліятэкі ўжо працуе ўнікальная фотазона. Гэта не проста куток для здымкаў, а цэлая атмасферная лакацыя, дзе мінулае сустракаецца з сучаснасцю. Элементы нацыянальнага строю і традыцыйныя прадметы побыту тут гарманічна суседнічаюць з лепшымі выданнямі беларускіх класікаў і сучаснікаў. Кожны наведвальнік можа не толькі выбраць літаратуру па душы, але і зрабіць эстэтычнае фота, якое падкрэсліць яго любоў да роднага слова. Але “Дрэс-код” – гэта не толькі прыгожая абалонка. Наперадзе ў чытачоў шмат інтэрактыву: майстар-класы “Кніжны стыліст” і “Дызайн па-беларуску”, дзе кожны жадаючы зможа стварыць аўтарскую супервокладку для любімага твора; штомесячнае галасаванне “У трэндзе –новае”, якое дапаможа вызначыць самае змястоўнае і прыгожае выданне па меркаванні саміх чытачоў.
Бібліятэка сёння перастае быць проста сховішчам кніг. Яна становіцца цэнтрам духоўнага жыцця, які дыктуе моду на інтэлектуальнасць і павагу да сваіх каранёў. Казлоўшчынскія бібліятэкары даказваюць: чытаць беларускае – гэта не толькі карысна, але і вельмі стыльна.
Запрашаем усіх жыхароў пасёлка наведаць бібліятэку, абнавіць свой “літаратурны гардэроб” і стаць удзельнікам праекта.
Людміла ХІЛІМОНЧЫК,
загадчыца бібліятэкі
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
Пад кіраўніцтвам старшыні райвыканкама Андрэя Садоўскага з удзелам старшыні раённага Савета дэпутатаў Аляксандра Бараноўскага прайшло…
Под зарплатой «в конверте» принято понимать незаконную форму оплаты труда, при которой часть или весь…
Другі раз запар у Беларусі прайшоў рэспубліканскі міжведамасны адукацыйны праект “Запусці сэрца”, арганізатарамі якога выступаюць…
У рамках месячніка Таварыства Чырвонага Крыжа ў Дзятлаве адбылося ўрачыстае ўручэнне пасведчанняў новым валанцёрам аб’яднання.…
Президент Беларуси Александр Лукашенко на заседании Высшего Евразийского экономического совета назвал базовые цели ЕАЭС, передает корреспондент БЕЛТА. "Реагировать…
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga