10-гадовы хлопчык прапаў увечары 16 чэрвеня. У гэты дзень ён са сваім васьмігадовым сябрам лавіў рыбу на Заходняй Дзвіне. З яго словаў, кручок вуды зачапіўся за траву і старэйшы з хлопчыкаў пайшоў у ваду, каб адчапіць, паслізнуўся, і яго падхапіла плынню.
У той жа вечар вадалазы пачалі абследаванне дна ракі, але безвынікова. Пошукі працягваліся на працягу некалькіх дзён, цела патанулага дзіцяці было знойдзена.
На жаль, пасля таго, як адбылася трагедыя, ужо нічога не вернеш. Таму лепш своечасова прыняць усе меры бяспекі, арганізаваць карысны вольны час сваіх дзяцей і самае галоўнае – ні ў якім разе не пакідаць іх без нагляду.
А. БЕЛЕНКА,
інспектар Дзятлаўскага РАНС,
У. БАРАВІК,
старшыня раённага таварыства ратавання на водах
