Вясёлая летняя змена стартавала для навучэнцаў Раклевіцкай базавай школы.
Нездарма школьны летнік носіць назву “Сузор’е адкрыццяў”, кожны дзень у ім адбываецца штосьці новае і цікавае, асабліва адметнымі становяцца сустрэчы з гасцямі.
Чарговая з іх ладзілася ў рамках работы брэндзінгавага агенцтва “Зробім”, якое працуе на базе раённага цэнтра дадатковай адукацыі дзяцей і моладзі пад кіраўніцтвам загадчыцы аддзялення дадатковай адукацыі Ірыны Мішчанка.
У Раклевічы Ірына Анатольеўна завітала ў вобразе каларытнай вандроўніцы-адпачывальніцы ІраМі з цікавай інтэрактыўнай праграмай для хлопчыкаў і дзяўчынак “Лета. Сяброўства. Гульня”.
Разам з госцяй наведвальнікі летніка паказалі свае веды на пляцоўцы брэйн-рынгу “Самы кемлівы”, паспаборнічалі ў спартыўных іспытах і выканалі творчыя заданні-фанты.
Ірына СТЫРНІК
Фотаздымкі Ірыны МІШЧАНКА
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
