Урачыстае мерапрыемства, прысвечанае Дню друку, Дню работнікаў тэлебачання, радыё і сувязі прайшло ў філармоніі.
Узнагарода ад Гродзенскага абласнога выканаўчага камітэта была ўручана намесніку галоўнага рэдактара ўстановы “Рэдакцыя газеты “Перамога” Вользе Юшкевіч.
Таксама калектыў рэдакцыі газеты “Перамога” ўзнагароджаны Граматай і каштоўным падарункам ад абласнога ўпраўлення па надзвычайных сітуацыях за 2 месца ў прафесійным конкурсе СМІ па асвятленні дзейнасці МНС.
– Традыцыйна мы сустракаемся з журналістамі і блогерамі, якія ўносяць важкі ўклад у стварэнне інфармацыйнай прадукцыі на тэрыторыі Гродзенскай вобласці і ў цэлым Рэспублікі Беларусь. Сёння мы сабралі журналістаў, якія заўсёды пішуць толькі праўду. Іх слова прымушае задумацца кожнага жыхара рэгіёну, няхай гэта будзе чыноўнік ці проста грамадзянін. Гэта вельмі складаная аналітычная работа, Гродзенскі абласны выканаўчы камітэт штогод дзякуе журналістам за іх дзейнасць, – сказаў намеснік старшыні аблвыканкама Віктар Пранюк.
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#нашелучшее #нашалепшае #СМИ
