У райцэнтры зменены парадак дарожнага руху.
Днямі на вуліцы Леніна, каля магазіна “Родны Кут” у напрамку ад святлафора быў устаноўлены новы знак 3.27 “Стаянка забаронена”. У адваротным боку цяпер дзейнічае знак 3.28 “Прыпынак і стаянка забаронены”.
Устаноўку знакаў ажыццявіла брыгада КУП “СМЭП Гродзенскага аблвыканкама” пад кіраўніцтвам майстра Слонімскага ўчастка Аляксея Босака.
– Была зменена арганізацыя дарожнага руху па вуліцы Леніна на ўчастку ад дома № 8 да дома № 14. Таксама ў бліжэйшы час будзе зменены парадак руху на ўчастку ад дома № 9 да дома № 16 па вуліцы Чырвонаармейскай: знак “Прыпынак забаронены” будзе заменены на “Стаянка забаронена”. Разам з тым на гэтым участку аўтадарогі з’явіцца астравок для высадкі пасажыраў, – расказаў Аляксей Мікалаевіч.
Як адзначыў намеснік старшыні райвыканкама Дзмітрый Баравік, дадзеная мера заклікана разгрузіць ад транспарту насычаныя ўчасткі дарог каля аб’ектаў гандлю і адукацыі, павысіць бяспеку дарожнага руху на іх.
Просім вадзіцеляў улічваць новыя аспекты дарожнага руху, не парушаць правілы прыпынку і стаянкі аўтатранспарту.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
