Сям’я! Служым разам!

Для супрацоўнікаў міліцыі, якія днём і ноччу аберагаюць спакой грамадзян, любячая і моцная сям’я – гэта як востраў спакою, дзе заўсёды выслухаюць, зразумеюць і абагрэюць. Таму ў Міністэрстве ўнутраных спраў надаюць вялікую ўвагу падтрымцы сем’яў, а адной з самых душэўных з’яўляецца рэспубліканская акцыя “Сям’я! Служым разам!”. Па традыцыі абласны яе этап сабраў ва ўтульнай зале санаторыя “Азёрны” 22 сям’і – па адной ад кожнага міліцэйскага калектыву. Ім уручаны дыпломы, бытавая тэхніка, іконы, салодкія сувеніры. Чарговы раз удзельнікі акцыі пацвердзілі словы міністра ўнутраных спраў Івана Кубракова аб тым, што міліцыя – гэта адна вялікая сям’я, дзе ўсе падтрымліваюць адзін аднаго.

На сустрэчы пабывалі і дзятлаўчане – Сяргей і Аляксандра Клімчук, якія не раз на справе даказвалі, што служба і моцныя сямейныя каштоўнасці выдатна спалучаюцца.

Сяргей Анатольевіч з кастрычніка 2024 года нясе службу на пасадзе старшага інспектара крымінальна-выканаўчай інспекцыі аддзела ўнутраных спраў Дзятлаўскага райвыканкама. Нягледзячы на ​​малады ўзрост, ён паспеў зарэкамендаваць сябе як адказны і прынцыповы супрацоўнік, прымае актыўны ўдзел у спартыўным і грамадскім жыцці аддзела, захапляецца футболам.

Надзейны тыл для яго – жонка Аляксандра, якая цяпер знаходзіцца ў водпуску па доглядзе дзіцяці. Яна не толькі захавальніца хатняга ачага, але і душа калектыву.

У студзені 2025 года ў маладых людзей адбылася радасная падзея – нарадзілася дачка Эмілія. З самага дзяцінства бацькі прывіваюць ёй любоў да спорту і актыўнага ладу жыцця, бо і самі – пастаянныя ўдзельнікі свята “Мама, тата, я – спартыўная сям’я!”, а таксама ўваходзяць у састаў каманды аддзела ўнутраных спраў на раённых турыстычных злётах.

Сяргей і Аляксандра часта ўдзельнічаюць у мерапрыемствах па прафесійнай арыентацыі непаўналетніх, якія праводзяцца АУС райвыканкама, рэгулярна выступаюць у школах горада і раёна з лекцыямі па прафілактыцы правапарушэнняў. Яны актыўна прапагандуюць сямейныя каштоўнасці, паказваючы асабісты прыклад.

Святлана ГРЫШЫНА

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga

#нашелучшее #нашалепшае #годбелорусскойженщины