Свята са спартыўным настроем

3 ліпеня на Дзятлаўшчыне прайшлі спартыўна-масавыя спаборніцтвы да Дня Незалежнасці нашай краіны і 75-годдзя вызвалення Рэспублікі Беларусь ад нямецка-фашысцкіх захопнікаў.

Яны праходзілі на стадыёне “Колас” у Дзятлаве і  ладзіліся  паміж камандамі калектываў КФК арганізацый, КСУПаў і раённых установаў адукацыі.

У спартыўную праграму ўвайшлі спаборніцтвы па міні-футболе, армрэслінгу, гарадошным спорце,таксама ў рамках святочных спаборніцтваў прайшлі  адкрытыя міжраённыя турніры па валейболе, шашках-64 і шахматах.

У спаборніцтвах па міні-футболе пераможцай стала каманда ТАА “Ізакам”, сярэбраным прызёрам прызнана каманда РАНС, бронзавая перамога – у каманды Дзятлаўскага лясгаса, на чацвёртым месцы – каманда КСУП “Вензавец”.

У спаборніцтвах па гарадошным спорце пераможцай стаў Дзмітрый Ёда, другое месца заваяваў Аляксандр Жэгала, бронзавая перамога – у Аляксея Петрыкевіча.

У спаборніцтвах па армрэслінгу перамог прадстаўнік каманды РАНС Дзяніс Русін, сярэбраным прызёрам стаў прадстаўнік каманды ААТ “Граніт-Агра” Аляксандр Мацкевіч, на трэцім месцы – Дзмітрый Кароль, прадстаўнік каманды РАНС.

Напрыканцы сустрэчы каманды-пераможцы былі ўзнагароджаны дыпломамі і грашовымі падарункамі.

Аксана АНДАЛЮКЕВІЧ