Categories: Падзеі

Святкавалі дзень нараджэння піянерыі

На Дзятлаўшчыне прайшоў раённы тэматычны тыдзень «Я — грамадзянін краіны Піянерыя!», прысвечаны дню нараджэння грамадскага аб’яднання «БРПА».

Стартаваў тыдзень урачыстымі лінейкамі, якія праходзілі ва ўстановах адукацыі нашага раёна. Акрамя таго, былі праведзены раённая гульня «Форд — Піянер», прысвечаная дню нараджэння ГА «БРПА», адзіная раённая класная гадзіна «Сустрэча пакаленняў» з удзелам ветэранаў піянерскага і камсамольскага руху, рэкламна-агітацыйныя акцыі аб дзейнасці піянерскіх дружын, музычныя перапынкі, конкурс эсэ «Патрыятызм у маім разуменні».

Фінішаваў тэматычны тыдзень раённай інтэлектуальна-пазнавальнай гульнёй «Зорны час: падарожжа ў краіну Піянерыя». Удзел у ёй прынялі старшыні саветаў піянерскіх дружын установаў адукацыі раёна, сакратары пярвічных арганізацый ГА «БРСМ».

Удзельнікі гульні падзяліліся на дзве каманды — «Лідары» і «Даследчыкі» — і прайшлі чатыры раўнды. Ім давялося прадэманстраваць свае веды па гісторыі піянерскага руху, пачынаючы з 20-х гадоў мінулага стагоддзя па цяперашні час.

Выступленні каманд ацэньвалі эксперты: педагог-арганізатар Вензавецкага дзіцячага сада-сярэдняй школы Аксана Віктараўна Роўба, педагог-арганізатар Казлоўшчынскай сярэдняй школы Наталля Мікалаеўна Каўцэвіч, ветэран камсамольскага і піянерскага руху Валянціна Іванаўна Скок. За актыўны ўдзел і веды па гісторыі піянерскага руху навучэнцы атрымалі ад экспертаў граматы раённага савета ГА «БРПА». Фінальным акордам сустрэчы стаў запуск паветранага змея.

Бліц-апытанне, праведзенае сярод удзельнікаў мерапрыемства, паказала, што слова «піянер» у наш час, як і 95 гадоў таму, гучыць горда.

І. МІШЧАНКА,

старшыня раённага савета ГА «БРПА», метадыст Цэнтра творчасці дзяцей і моладзі горада Дзятлава

administrator

Recent Posts

Зонты вместо пляжей: суббота в Беларуси обещает дожди и грозы

В Беларуси 11 июля на большей части территории пройдут кратковременные дожди, днем в отдельных районах…

58 минут ago

Лето — время укрепить здоровье лесными дарами

Лесные ягоды — это природный источник витаминов, антиоксидантов и дубильных веществ. Они укрепляют иммунитет, защищают…

2 часа ago

Служба в Дятловском отделе Департамента охраны Министерства внутренних дел — выбор тех, кто думает о будущем

Сегодня стабильность — это не абстрактное слово, а конкретные условия жизни. Служба в органах внутренних…

4 часа ago

Водные игры небезопасны

Водные игры в необорудованных и несанкционированных местах крайне опасны. Непроверенное дно, скрытые коряги, водовороты и…

5 часов ago

Прыём грамадзян

16 ліпеня з 14.30 да 16.30 у будынку Казлоўшчынскага сельвыканкама выязны прыём грамадзян правядзе начальнік…

5 часов ago

Дэпутацкія клопаты. Андрэй Жамойда правёў прыём грамадзян у Дзятлаве

9 ліпеня член Савета Рэспублікі Нацыянальнага сходу Рэспублікі Беларусь, дэпутат Гродзенскага абласнога Савета дэпутатаў Андрэй…

19 часов ago