Піянеры дружыны імя Н. Валькова Кзлоўшчынскай сярэдняй школы адгукнуліся на заклік цэнтральнага і раённага саветаў грамадскага аб’яднання “Беларуская рэспубліканская піянерская арганізацыя” і ўключыліся ў агульнапіянерскі суботнік, які праходзіў 1 красавіка 2017 года.
Сустрэліся ў шосты школьны дзень — суботу. Стартавала мерапрыемства мітынгам каля помніка воіну-вызваліцелю. Вызначыліся з задачамі суботніка і накіраваліся на аб’екты для добраўпарадкавання.
Дзякуючы вучнёўскай ініцыятыве, быў наведзены парадак каля замацаваных за школай помнікаў, прыбрана прышкольная тэрыторыя, пачаліся работы ў школьных цяпліцах.
Паколькі суботнік супаў з Міжнародным днём птушак, які адзначаецца 1 красавіка, вучні змайстравалі птушыныя хаткі-шпакоўні і развесілі іх на дрэвах.
Добрае надвор’е спрыяла рабоце. На ўласным прыкладзе мы пастараліся паказаць, як з дапамогай калектыўнай працы падрастаючаму пакаленню можна прывіваць беражлівыя і адказныя адносіны да навакольнага асяроддзя. Вынікамі суботніка сталі чыстыя тэрыторыі, зарад бадзёрасці і выдатны настрой піянераў.
К. ПЯКАРСКАЯ,
старшыня савета піянерскай дружыны імя Н. Валькова Кзлоўшчынскай СШ
