Следчы камітэт інфармуе. Высокая цана за няўважлівасць

Асенне-зімовы перыяд – час павышанай рызыкі на дарозе.

Чаму гэта так, расказаў старшы следчы раённага аддзела Следчага камітэта Аляксандр Макуца:

– Зімой і ў міжсезонне кароткі светлавы дзень, дождж, туман, галалёд патрабуюць уважлівасці ўсіх удзельнікаў дарожнага руху.

Пешаходам крытычна важна стаць прыкметнымі ў шэрасці і цемры, таму святлоадлюстроўваючыя элементы – гэта не проста атрыбуты для адзення, а шанц кожнага быць убачаным своечасова. У сваю чаргу і вадзіцелям нельга ні на секунду губляць абачлівасці за рулём, асабліва ў цёмны час сутак.

Нядаўняя аварыя на аўтадарозе Н-6005 (Карэлічы – Валеўка – Наваельня) з гібеллю пешахода, на жаль, нагадвае нам, што любы трагічны выпадак – гэта не сухія лічбы статыстыкі, а абарванае чалавечае жыццё.

Следчы камітэт заклікае жыхароў раёна памятаць, што некалькі секунд, сэканомленых пры пераходзе ў нявызначаным месцы, або лішні метр тармазнога шляху з-за вялікай хуткасці – занадта высокая цана за няўважлівасць і абыякавасць.

Ірына СТЫРНІК   

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga