З надыходам вясны людзі ўсё часцей наведваюць свае загарадныя дамы і дачы, што не застаецца па-за ўвагай аматараў лёгкай нажывы.
Следчы камітэт раіць уладальнікам такой нерухомасці прытрымлівацца простых мераў бяспекі, каб захаваць сваю маёмасць, якая застаецца без нагляду ў час ад’езду.
Для захавання бытавой тэхнікі, электраінструментаў і іншых дарагіх рэчаў неабходна выбраць найбольш абароненае месца ў доме. Гэта можа быць камора ці жылы пакой, якія замыкаюцца на ключ.
Калі збіраецеся выехаць надоўга, паклапаціцеся аб умацаванасці ўваходных дзвярэй, замяніце навясныя замкі, пажадана ўстанавіць металічныя рашоткі на вокны, а найлепш скарыстацца ахоўнай сігналізацыяй, якая, як сведчыць практыка, з’яўляецца самым надзейным сродкам абароны маёмасці ад злодзеяў.
Не чакайце злодзеяў “у госці” – паклапаціцеся аб усім загадзя.
Арцём АНТОНЧЫК,
следчы Дзятлаўскага раённага аддзела Следчага камітэта
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
