Зімовы перыяд няпросты як для людзей, так і для жывёл.
У гэты час задача лясной гаспадаркі – паклапаціцца аб тым, каб звяры спакойна перанеслі зімоўку і не галадалі. Аб праграме харчавання для дзікіх жывёл, багатым рацыёне зуброў і дзяржаўнай падтрымцы ў сферы аховы прыроды расказаў інжынер па паляўнічай гаспадарцы Дзятлаўскага лясгаса Максім Марцукевіч:
– Перыяд падкормкі дзікіх жывёл залежыць ад умоваў надвор’я і прадаўжаецца на тэрыторыі Дзятлаўскага раёна прыкладна з 10 лістапада па 25 сакавіка. У гэты час мы падкормліваем аленя высакароднага, казулю, лань, зубра, шэрую курапатку. На тэрыторыі Дзятлаўскага лясгаса размешчана каля 100 месцаў для выкладвання солі, а таксама кармушкі для сена, навесы для кармлення зайцаў і шэрай курапаткі. У раёне вёскі Чырвоны Бор размешчаны дзве падкормачныя пляцоўкі для зуброў, якія ў зімовы перыяд канцэнтруюцца ў межах двух кіламетраў ад таго месца, дзе быў вальер.
– Як рыхтуецеся да зімы?
– Падрыхтоўка да падкормкі жывёл у зімовы перыяд пачынаецца з лета, назапашваннем сена займаецца егерская служба лясгаса ў саставе чатырох чалавек. Сілас, сянаж, кармавыя венікі набываем па дагаворы ў сельгаспрадпрыемствах раёна. Па дзяржаўнай праграме закупляем для зуброў антыгельмінтныя прэпараты, соль-лізунец, камбікорм. Дарэчы, соль круглы год уваходзіць у рацыён лясных жыхароў, бо з’яўляецца крыніцай вітамінаў і мінеральных рэчываў.
– Хто вырашае, як часта карміць жывёл?
– Тэрміны і нормы падкормкі рэгламентаваны, яны вызначаны пастановай Міністэрства лясной гаспадаркі. Перыядычнасць залежыць ад таўшчыні снежнага покрыва.
– Ці добра “прыжыліся” зубры на Дзятлаўшчыне?
– Так, за 4 гады іх колькасць павялічылася ўдвая. На 1 сакавіка ў раёне налічвалася 35 асобін зубра. Аднак усе жывёлы адносяцца да асноўнага генафонду, занесены ў Чырвоную кнігу Беларусі, паляванне на іх забаронена. Адзначу, што з 2023 года плануецца выдаваць дазвол на адстрэл селекцыйных і трафейных асобін лані.
Наталля АВЯРЧУК
Фота прадастаўлены Дзятлаўскім лясгасам
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
У Год беларускай жанчыны на старонках газеты “Перамога” расказваем пра нашых зямлячак, якія змагаліся на…
У раённым Цэнтры культуры і народнай творчасці прайшоў святочны канцэрт-шанаванне, прысвечаны надыходзячаму Дню медыцынскіх работнікаў.…
За невыкананне работ па падтрыманні належнага санітарнага стану на тэрыторыях зямель агульнага карыстання населеных пунктаў,…
Гэта высвятлялі выхаванцы летніка “Крута” гімназіі № 1 горада Дзятлава, наведаўшыся ў рэдакцыю раённай газеты…
Чым жыве летнік Выхаванцы летніка “Усмешка” сярэдняй школы № 1 горада Дзятлава імя А. М.…
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga