Вазьмі часцінку дабра
У рамках раённай PR-акцыі “Дзіцячы свет без жорсткасці і гвалту” навучэнцы 9 “Б” класа Казлоўшчынскай сярэдняй школы арганізавалі акцыю па расклейцы аб’яваў “Вазьмі трошкі любові і падары іншаму”, “Вазьмі часцінку дабра”. Галоўнымі складнікамі акцыі сталі радасць, добры настрой і ўсмешкі на тварах усіх яе ўдзельнікаў.
Навучэнцамі 7-11 класаў была праведзена акцыя “Гэта рука нікога не пакрыўдзіць”, накіраваная на недапушчэнне жорсткага стаўлення да навакольных. Акцыя дапамагла стварыць ва ўстанове атмасферу сяброўства і ўзаемаразумення.
Разам з татам мы мацнейшыя
Пад такой назвай у Казлоўшчынскай сярэдняй школе прайшло спартыўнае свята. Таты і дзеці разам спаборнічалі ў эстафетах, даказваючы, што сумесныя намаганні робяць кожнага мацнейшым. Удзельнікі паказалі спрыт, сілу, азарт, кемлівасць, камандны дух, а ўзамен атрымалі фота на памяць. Мерапрыемства стала сапраўдным святам здароўя, згуртаванасці, дружбы і радасці.
Падрыхтавала Таццяна САНЮК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
