Вы курыце? Так? А чаму? Таму, што вам падабаецца павольна сябе забіваць? Ці таму, што падабаецца атручваць едкім тытунёвым дымам сваіх дзяцей? Ці таму, што вы любіце прадаваць сваё здароўе і набываць у тытунёвых кампаній хваробы для сябе?
Правільна. Кіраўнікі тытунёвай індустрыі на вашы грошы ўжо цяпер ляжаць на жоўтых пясчаных пляжах, а вы заўтра ляжаце на бальнічны ложак.
А можа вы лічыце, што падаяце ідэальны прыклад свайму сыну ці дачцэ? Бацькі-курцы, не цешце сябе спадзяваннямі, што вашы дзеці не будуць курыць. Будуць. Гэта вы ўкладваеце ў іх рукі цыгарэты. Яны з вас бяруць прыклад. Не выхоўвайце дзяцей — выхоўвайце найперш сябе.
Ці можа вам падабаецца лічыцца наркаманам? Так — наркаманам! Бо ў тытунёвым дыме ўтрымліваецца 196 ядавітых кампанентаў, 14 з якіх — наркатычныя рэчывы. Значыць вы — тытунёвы наркаман.
А вы кожны дзень павольна, цыгарэта за цыгарэтай, губіце сваё сэрца, і аднойчы яно не вытрымае — адбудзецца інсульт. Ваша дачка кіне перспектыўную работу, аб якой марыла са школы, і будзе вас даглядаць, бо любіць. А вы яе любіце? Калі любіце, не прымушайце ахвяраваць сабой і вашай будучыняй, беражыце здароўе.
Хто вы? Раб цыгарэты ці гаспадар свайго жыцця і шчаслівы чалавек? Рашайце цяпер. Не курыце і будзьце шчаслівыя.
В. СТУПЧЫК,
псіхолаг Цэнтра сацыяльнага абслугоўвання насельніцтва Дзятлаўскага раёна
Як дружна пырснулі сады,Закалыхаліся пад ветрам.Ляціць над светам пах такі,Што аж звініць вакол паветра.І з…
7 мая Міжнародны алімпійскі камітэт зняў усе абмежаванні з беларускіх спартсменаў, такім чынам адкрыўшы ім…
Напярэдадні 9 Мая ў рамках мерапрыемстваў у падтрымку дзіцяча-юнацкага футбола ў Рэспубліцы Беларусь Дзятлаўшчыну наведаў…
Дыялогавая пляцоўка пад такой назвай прайшла ў гімназіі № 1 горада Дзятлава. Пагаварылі пра тое,…
Член Пастаяннай камісіі Савета Рэспублікі па эканоміцы, бюджэце і фінансах, начальнік галоўнага фінансавага ўпраўлення Гродзенскага…