Шануем, помнім, ганарымся

Кветкі, салют, парад, аркестр, ваенная тэхніка, музыка…

9 Мая  – дзень вясновы, яркі, пераможны. У 21 стагоддзі не кожнае дзіця 5-7 гадоў разумее страх і горыч вайны.

У дашкольным цэнтры развіцця дзіцяці  № 2 горада Дзятлава вызначальнай лініяй у фарміраванні ўяўленняў пра Дзень Перамогі з’яўляецца наглядная і мастацкая інфармацыя аб важнасці захавання міру, аб каштоўнасці жыцця, аб дружбе і яднанні, аб перамозе дабра, аб пакланенні ўсім героям і вялікаму подзвігу народа.  Гэта ўскладанне кветак да помнікаў герояў, наведванне гарадскога музея, слуханне песень ваенных гадоў, прагляд  кароткіх відэафрагментаў хронікі, завучванне і чытанне вершаў.

З гэтай мэтай у фае ўстановы аформлена тэматычная выстава “ Шануем, памятаем, ганарымся!”, дзе прадстаўлены плакаты, паштоўкі, фотаздымкі часоў вайны. Падабраны пазнавальна-наглядны матэрыял на тэмы: “Ордэны і медалі”, “Ваенная тэхніка”, “Гарады-героі”, “Мінск – горад- герой”. Дзеці старшых груп упрыгожылі выставу букетамі кветак, зробленымі сваімі рукамі. Сімвал выставы – голуб міру.

Таццяна ЗЕНАВА,
выхавацель дашкольнага цэнтра развіцця дзіцяці  № 2 горада Дзятлава