Семінар для індывідуальных прадпрымальнікаў прайшоў у Дзятлаве

У Дзятлаўскім райвыканкаме адбыўся інфармацыйна-практычны семінар, арганізаваны для прадстаўнікоў малога і сярэдняга бізнесу, якія ажыццяўляюць гандлёвую дзейнасць на рынках і гандлёвых месцах, па пытаннях захавання заканадаўства ў сферы цэнаўтварэння і санітарна-эпідэміялагічных патрабаванняў пры ажыццяўленні гандлю.

Асноўнай мэтай мерапрыемства стала растлумачэнне ключавых змяненняў у заканадаўстве, якія датычацца цэнаўтварэння, у адпаведнасці з Пастановай № 359 ад 10 ліпеня 2026 года, якая ўнесла карэкціроўкі ў Пастанову Савета Міністраў Рэспублікі Беларусь ад 19 кастрычніка 2022 года № 713.

Сустрэча сабрала зацікаўленых прадпрымальнікаў, якім былі прадстаўлены дэталёвыя тлумачэнні ад спецыялістаў райвыканкама. Намеснік старшыні райвыканкама па эканоміцы Вольга Жэлезоўская адзначыла, што правільнае разуменне і прымяненне новых норм цэнаўтварэння з’яўляецца залогам паспяховай і законнай прадпрымальніцкай дзейнасці, а таксама садзейнічае падтрыманню стабільнасці спажывецкіх цэн у рэгіёне.

Падрабязна на змесце Пастановы № 359 спыніўся галоўны спецыяліст аддзела эканомікі Ілья Габайдулін, а менавіта, на асноўных змяненнях у рэгуляванні цэн: якія менавіта нормы Пастановы № 713 былі скарэктаваныя і як яны ўплываюць на фарміраванне рознічных цэн на рынках і гандлёвых месцах. Асаблівая ўвага была нададзена пераліку тавараў, якія падпадаюць пад рэгуляванне, механізмам фарміравання рознічных цэн.

Семінар насіў не толькі інфармацыйны, але і практычны характар. Былі разгледжаны рэальныя прыклады, якія ілюструюць, як прадпрымальнікам трэба прымяняць новыя патрабаванні на практыцы. Абмяркоўваліся пытанні правільнага афармлення цэннікаў, абгрунтавання ўстанаўліваемых цэн і недапушчэння парушэнняў.

Важнай часткай семінара стала тэма захавання санітарных норм. Урач-гігіеніст, загадчык санітарна-эпідэміялагічнага аддзела Дзятлаўскага райЦГЭ Вікторыя Старук акцэнтавала ўвагу прысутных на строгім выкананні санітарнага стану гандлёвых месцаў, умоў захоўвання і рэалізацыі тавараў, а таксама наяўнасці ў прадаўцоў адпаведных медыцынскіх даведак і дакументаў, якія пацвярджаюць якасць і бяспечнасць прадукцыі.

Вынікі сустрэчы падвёў начальнік аддзела эканомікі Андрэй Нікіпорчык, падкрэсліўшы важнасць строгага выканання заканадаўства аб цэнаўтварэнні, адзначыў, што змяненні накіраваны на стварэнне больш празрыстага і прадказальнага асяроддзя для вядзення бізнесу і на абарону інтарэсаў спажыўцоў.

Аддзел эканомікі райвыканкама

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga