У самую гарачую пару медыкі раёна разам з прафсаюзам праверылі, як пачуваюць сябе героі сёлетняга жніва. Выязны ФАП Дзятлаўскай ЦРБ завітаў на поле каля вёскі Разважжа, дзе працуюць камбайнеры і вадзіцелі КСУП “Хвінявічы”.
– Здароўе працаўнікоў жніва на асаблівым кантролі ў прафсаюзнай арганізацыі і кіраўніцтва раёна, – адзначыў старшыня раённай прафсаюзнай арганізацыі Беларускага прафсаюза работнікаў аграпрамысловага комплексу Уладзімір Казак. – Дзякуй адміністрацыі раённай бальніцы, якая пайшла насустрач і ўключыла ў графік выездаў наведванне аб’ектаў жніва.
Памочнік доктара Яна Пякарская прымае пацыентаў у спецыяльным “кабінеце” выязнога ФАПа, мерае ціск, запісвае кардыяграму, правярае лёгкія, абавязкова распытвае пра тое, як адчуваюць сябе хлебаробы, якія прэпараты прымаюць, дае рэкамендацыі.
– Трымаем на кантролі здароўе людзей, занятых на рабоце ў полі. На жнівень запланаваны два выезды ў сельгаспрадпрыемствы. Праводзім комплексны агляд, калі ёсць неабходнасць, робім забор аналізаў і назначаем лекі.
– Як хлебаробам зберагаць сваё здароўе?
– Работа на жніве мяркуе павышаныя фізічныя нагрузкі і тэмпературы. Таму найперш важна захоўваць рэжым піцця і добрага харчавання. І не забываць на ўсялякі выпадак вазіць з сабой аптэчку хуткай дапамогі.
Механізатар Іван Ташлыкоў на здароўе не скардзіцца, аднак не быў супраць прайсці абследаванне.
– Самаадчуванне добрае, настрой выдатны. Але вельмі прыемна, што пра нас клапоцяцца. У мяне праверылі ціск, паслухалі, сказалі, што ўсё ў норме для майго ўзросту.
– Як сочыце за сваім здароўем?
– Кожны дзень фізічныя нагрузкі без адрыву ад жніва: раніцай іду на працу паўтара кіламетра, пакуль рыхтую тэхніку, даводзіцца паскакаць і папрацаваць рукамі. Ды і ў час работы не асабліва заседзішся ў кабіне. Усе рэкамендацыі медыкаў нам дапамагае выконваць наша агранізацыя, якая забяспечвае пітной вадой, гарачым харчаваннем, спецадзеннем.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#сельское хозяйство #АПК #нашелучшее #нашалепшае
Кожны год мастакі Іван і Юрый Козелы наведваюць малую радзіму – вёску Гнаінскія на Дзятлаўшчыне.…
Главные темы: итоги приемной кампании, питание в школах и спорт среди молодежи. Президент Беларуси Александр…
Около 600 м торговых рядов развернут на День белорусской письменности в Костюковичах. Об этом журналистам…
Нядаўна ў Гродне прайшоў абласны этап VII Рэспубліканскага конкурсу “Сям’я года”. Яго пераможцам стала сям’я…
Чытачы Жукоўшчынскай сельскай бібліятэкі-клуба прынялі ўдзел у гадзіне ўспамінаў “Зазірнём у сямейны альбом”. Спецыяльна да…
5–6 сентября в Костюковичах Могилевской области пройдет XXXIII День белорусской письменности. Гродненский регион примет активное…