Добра працуе той, хто добра есць, упэўнены калектыў сталовай ААТ “Дварэц-Агра” пад кіраўніцтвам загадчыцы ўчастка Таццяны Хілімончык.
У аграрыяў пачалася гарачая пара, калі кожная хвіліна на вагу золата. Клопат аб іх збалансаваным харчаванні ў час работы – на далікатных жаночых плячах.
Як расказвае сама Таццяна Паўлаўна, работнікі нівы атрымліваюць гарачыя абеды на сваіх працоўных месцах у полі, куды іх прывозіць дастаўка разам з раздатчыцай. У меню абавязкова суп, гарнір, мяса або рыба, кампот і печыва на дэсерт. Усё свежае і разнастайнае кожны дзень. Мясныя паўфабрыкаты прадпрыемства набывае па прамых дагаворах з мясакамбінатаў, астатнія прадукты – праз сетку ААТ “Молочный Мир”. Акрамя абеда, на рукі кожны работнік атрымлівае падвячорак і пітную ваду.
– Нарыхтоўка кармоў – важны працэс, які цяпер ідзе без выхадных, таксама працуем і мы, каб забяспечыць харчаваннем работнікаў гаспадаркі. А каб абедаць было не толькі смачна, але і зручна, вязём з сабой столік і крэслы, – адзначыла яна.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#Дятловщина #нашелучшее #нашалепшае #АПК
