Сельгасвытворчасць. Палявыя работы ў раёне. Хімпраполка

У ліку важных вясновых палявых работ гэтым часам – хімпраполка пасеваў.

На палетках азімых зерневых культур хімпраполка выканана ў раёне (на 19 мая) на 62 працэнты. Завяршыла гэту работу ААТ “Граніт-Агра”, блізкае да завяршэння КСУП “Слава працы” (92 працэнты).

КСУП “Хвінявічы” ўжо справілася з хімпраполкай азімага рапсу.

Сельгаспрадпрыемствы раёна распачалі хімпраполку і яравых зерневых і зернебабовых культур. КСУП “Жукоўшчына” выканала гэту работу на 120 гектарах з 310 (39 працэнтаў), ААТ “Граніт-Агра” прапалола 180 гектараў.

Завяршылі хімпраполку цукровых буракоў КСУП “Войневічы”, “Граніт-Агра”, “Хвінявічы”. У раёне гэта работа выканана на 76 працэнтаў.

Вялікую ўвагу гаспадаркі раёна надалі абароне пасеваў азімага рапсу ад шкоднікаў. Некалькі сельгаспрадпрыемстваў – КСУП “Вензавец”, “Войневічы”, ААТ “Граніт-Агра” выканалі інсектыцыдную апрацоўку пасеваў на 200 і больш працэнтаў да першапачатковага плану. Па раёне фактычная лічба склала 139 працэнтаў.

КСУП “Слава працы” выканаў работы па хімпраполцы азімых зерневых культур на 580 гектарах з 633. Актыўным удзельнікам гэтых работ з’яўляецца вадзіцель Аляксандр Гародка (на фотаздымку). Яму даручаны падвоз вады і вадкіх мінеральных угнаенняў (у прыватнасці КАСа) да агрэгатаў. Гэтым часам Аляксандр працуе на аўтамабілі ЗіЛ-130 з цыстэрнай, а неўзабаве перасядзе на МАЗ для перавозкі зялёных кармоў.