Напярэдадні Дня будаўніка дзятлаўскія прафесіяналы галіны ў працоўных клопатах: поўным ходам ідзе капітальны рамонт шматкватэрнага дома па вуліцы Перамогі ў райцэнтры.
На аб’екце работнікі ўпраўлення спецыяльных работ у Дзятлаве ААТ “Будкомплекс” расказалі пра сябе і прафесію, падзяліліся пазітыўным настроем і пажаданнямі калегам па працы.
Міхаіл Валяк, прараб:
– Працую ва ўпраўленні з 2018 года, аднак агульны мой стаж у будаўніцтве ўжо большы за два дзесяцігоддзі. Прыйшоў у “Будкомплекс”на пасаду майстра, даслужыўся да прараба. За гэтыя гады разам з калектывам рэканструявалі не адзін жылы дом: працуем старанна, каб людзям жылося ўтульна. З нагоды прафесійнага свята віншую калег па працы, а таксама ўсіх будаўнікоў Беларусі. Жадаю моцнага здароўя, цікавых праектаў і задавальнення ад працы.
Ларыса Філідовіч, маляр, брыгадзір комплекснай брыгады:
– У будаўніцтва я прыйшла з вопытам закройшчыка летняй вопраткі ў пошуках работы. За 22 гады ва ўпраўленні прывыкла да няпростых яе ўмоваў і асаблівасцяў, цяпер нават падабаецца. З нашай брыгадай у саставе 12 чалавек выконваем усе віды аддзелачных работ, сама працую нараўне з астатнімі, цяпер наношу малюнак на фасад дома. За гэты час Дзень будаўніка стаў важным сямейным святам, віншую з ім сваіх калег і ўсіх работнікаў галіны.
Аляксандр Лішык, падсобны рабочы:
– Упершыню прыйшоў у будаўніцтва ў 2002 годзе. За гэты час паспрабаваў сябе ў іншых спецыяльнасцях, але вярнуўся да той дзейнасці, якая падабаецца найбольш. Ужо каля 5 гадоў працую ў “Будкомплексе”: займаюся тынкоўкай, дапамагаю ў зварачных работах, а таксама як падсобны рабочы. Усім работнікам будаўніцтва жадаю моцнага здароўя, сямейнага дабрабыту і ўдачы ва ўсіх справах.
Алена Вашко, тынкоўшчык-маляр.
– Мой працоўны шлях пачынаўся ў “Будкомплексе”, але на пасадзе вахцёра інтэрната, а з 2008 года працую на будоўлі. Спачатку было нязвыкла, але з вопытам прыйшло майстэрства, стала ўніверсалам. Цяпер любыя віды работ не выклікаюць цяжкасцяў. Нядаўна з брыгадай тынкавалі фасад дома, цяпер наносім дэкаратыўную кампазіцыю. Работа будаўніка мне шчыра падабаецца, цяпер і не ўяўляю сябе на іншым месцы. Усё ўмею, але дома не даводзіцца прымяняць навыкі: жыву ў кватэры. Усім будаўнікам жадаю жалезабетоннага здароўя і фінансавай стабільнасці.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
Белорусские аграрии намолотили 4 млн т зерна. Об этом сообщили БЕЛТА в пресс-службе Министерства сельского…
Прыхаджане касцёла Унебаўзяцця Найсвяцейшай Панны Марыі ў Дзятлаве ўшанавалі памяць 11 сясцёр-назарэтанак, якія па-мучаніцку загінулі…
Пад такім дэвізам з 1 жніўня ў акцыю “Збяром дзяцей у школу” ўключаецца Беларускае Таварыства…
Мечтаешь примерить белое платье и почувствовать себя невестой, даже если до свадьбы ещё далеко? Или…
У аздараўленчым летніку “Вясёлая планета” Дварэцкай сярэдняй школы прайшоў тэматычны дзень “Закон, бяспека і паспяховы…
В Беларуси с 1 августа выросло пособие по уходу за пожилым человеком старше 80 лет…