У Дзятлаўскім аддзеле Дэпартамента аховы МУС Рэспублікі Беларусь прайшоў семінар-вучоба па пытаннях забеспячэння ліцэнзаванай ахоўнай дзейнасці. Абмеркавалі асаблівасці такой дзейнасці, памылкі, якія найчасцей сустракаюцца пры яе ажыццяўленні і выяўляюцца ў час планавых праверак.
На мерапрыемства былі запрошаны кіраўнікі і адказныя асобы арганізацый, якія маюць ліцэнзію на ахоўную дзейнасць. У семінары-вучобе таксама прымала ўдзел кіраўніцтва раённага аддзела ўнутраных спраў
Дзятлаўскага райвыканкама і Дзятлаўскага аддзела Дэпартамента аховы.
У час семінара патлумачылі парадак прыёму на работу, праходжання навучання работнікаў аховы, агульны парадак ажыццяўлення ліцэнзаванай ахоўнай дзейнасці.
А. ЗЕНАЎ,
спецыяліст па ліцэнзаванні ліцэнзійна-кантрольнай групы штаба Дзятлаўскага аддзела Дэпартамента аховы
