На Дзятлаўшчыне праходзіць кампанія па імунізацыі насельніцтва супраць вірусу грыпу. Сёлета медыкі выкарыстоўваюць вакцыну “Грыпол плюс” расійскай вытворчасці.
Што думаюць дзятлаўчане наконт прышчэпак?
Аляксандр Беленка:
– У Дзятлаўскім РАНС прынята штогод рабіць прышчэпку. Першы этап – гэта тлумачальная праца сярод асабовага складу. Мы размаўляем пра важнасць імунізацыі, запрашаем работнікаў Дзятлаўскай ЦРБ з іх кампетэнтным меркаваннем. Затым спецыялісты робяць жадаючым прышчэпку. Як правіла, у нас штогод не менш за 30% работнікаў засцерагаюцца ад грыпу з дапамогай прышчэпкі.
Дзякуючы Дням інфармавання мы ведаем, што сёння прышчэпка не аказвае дрэнны ўплыў на арганізм, ад імунізацыі чалавек не можа захварэць. Таксама ведаем, што ў расійскай вакцынацыі новага пакалення можна не сумнявацца.
Юлія БАКУНОВІЧ
