У Дзятлаве працягваюцца ладзіцца святочныя мерапрыемствы, прымеркаваныя да Дня Вялікай Перамогі.
Канцэртна-забаўляльную праграму “Радасны май” падрыхтавалі работнікі раённага цэнтра культуры і народнай творчасці. Вядучая канцэрта Наталля Маліноўская яшчэ раз нагадала ўсім прысутным, што нам, сённяшняму пакаленню, неабходна заўжды памятаць, якой цаной дасталася Вялікая Перамога нашым дзядам і прадзедам, берагчы і цаніць мірнае жыццё.
Дзятлаўчан радавалі песнямі Наталля Бузук і Аляксандр Раеўскі.
Тэатр роставых лялек “Лялькі для ўсіх” юных дзятлаўчан запрасіў у займальнае падарожжа. Дзеці змаглі не толькі паглядзець прадстаўленне “Спанч Боб і яго сябры”, але і павесяліцца, пагуляць разам з любімымі героямі.
На пляцоўцы панавала атмасфера радасці і весялосці.
Святлана ГРЫШЫНА
Вольга ЮШКЕВІЧ
