Пытанне – адказ. Ці дадуць ільготны крэдыт маладому спецыялісту?

Пытанне: ці можа малады спецыяліст разлічваць на атрыманне льготнага крэдыту?

Адказ: паводле Указа № 631 “Аб прадастаўленні льготных крэдытаў асобным катэгорыям грамадзян” права на льготныя крэдыты маюць выпускнікі дзяржаўных установаў адукацыі і ўстановаў адукацыі спажыўкааперацыі, якія атрымалі прафесійна-тэхнічную, сярэднюю спецыяльную, вышэйшую адукацыю, калі яны: 1) прыступілі да работы, былі прызначаны на дзяржаўную грамадзянскую, вайсковую пасаду, пасаду начальніцкага і радавога саставу ваенізаваных арганізацый па размеркаванні (пераразмеркаванні), працаўладкаванні за кошт броні, накіравання (перанакіравання) на работу, для праходжання ваеннай службы і службы ў ваенізаваных арганізацыях, дзяржарганізацыях, воінскіх часцях, арганізацыях УС, органах дзяржбяспекі і падпарадкаваных ім арганізацыях, органах пагранслужбы, ваенізаваных арганізацыях, арганізацыях спажыўкааперацыі і сельгасарганізацыях, размешчаных у населеных пунктах не па месцы жыхарства бацькоў (усынаўляльнікаў); 2) на ўмовах, указаных у пункце 1, у арганізацыях, размешчаных у сельскіх населеных пунктах (ці працоўнае месца, месца службы якіх знаходзіцца ў сельскіх населеных пунктах) або ў раёнах, якія пацярпелі ад катастрофы на ЧАЭС; 3) самастойна працаўладкаваліся на працягу 6 месяцаў, якія ідуць за месяцам выдачы дакумента аб адукацыі, у дзяржарганізацыі, органы і падраздзяленні па надзвычайных сітуацыях, арганізацыі спажыўкааперацыі і сельгасарганізацыі, размешчаныя ў сельскіх населеных пунктах (ці працоўнае месца, месца службы якіх знаходзіцца на сяле); 4) добраахвотна паступілі на ваенную службу па кантракце на працягу 6 месяцаў, якія ідуць за месяцам выдачы дыплома, у воінскія часці, арганізацыі УС, органы пагранслужбы, размешчаныя не па месцы жыхарства бацькоў (усынаўляльнікаў).

Крэдыт прадастаўляецца на тэрмін да 5 гадоў аднаразова для набыцця нехарчовых спажывецкіх тавараў беларускай вытворчасці. Яго максімальная сума – 30 бюджэтаў пражытачнага мінімуму для працаздольнага насельніцтва, у памеры, які дзейнічае на дату заключэння крэдытнага дагавора. Стаўка за карыстанне крэдытам складае 25 % ад стаўкі рэфінансавання Нацбанка.

Пагашэнне льготнага крэдыту і выплата працэнтаў па ім пачынаецца праз 6 месяцаў пасля заключэння крэдытнага дагавора і ажыццяўляецца роўнымі долямі на працягу ўсяго тэрміну вяртання.

Аднак варта памятаць, што крэдыт застанецца льготным толькі ў тым выпадку, калі малады спецыяліст адпрацуе ці адслужыць абавязковы для яго тэрмін.

Важна ведаць і тое, што па атрыманне льготнага крэдыту трэба звяртацца не ў Беларусбанк, а да наймальніка: іх выдаюць па спісах, зацверджаных раённымі або гарадскімі выканаўчымі камітэтамі,  мясцовымі адміністрацыямі раёнаў у гарадах, на падставе пісьмовых хадайніцтваў арганізацый, дзе працуюць або праходзяць службу прэтэндэнты на атрыманне крэдытных сродкаў.

Падрыхтавала да друку Ірына СТЫРНІК

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga