Аб’яднанне раённых газет з абласнымі для стварэння адзінага медыяхолдынга, паводле слоў міністра інфармацыі, дапамагае ствараць сучасны актуальны кантэнт.
«Медыяхолдынгі — гэта выклік сённяшняга дня. Зусім відавочна, што ў раёне немагчыма знайсці спецыяліста SMM-шчыка, чалавека, які можа правільна займацца камп’ютарнай вёрсткай, сучасным дызайнам, стварэннем і пашырэннем кантэнту ў сацыяльных сетках і мэсэнджарах, адаптацыяй друкаванай версіі для добрай індэксацыі ў інтэрнэце. Гэтых людзей проста няма, і спадзявацца, што яны туды прыедуць, мы таксама не можам. Але гэту работу трэба аддаваць на аўтсорс галоўнай рэдакцыі холдынга, дзе ў абласцях такія спецыялісты ёсць, іх дастаткова, каб гэту работу ажыццяўляць. У раёнах застаюцца журналісты, якія там жывуць, ведаюць парадак дня свайго раёна, людзей, што адбываецца, і могуць рабіць зыходныя матэрыялы, прысутнічаючы ў сваім раёне і населеным пункце, каб іх потым распаўсюджваць па ўсіх магчымых асяроддзях», — падкрэсліў Уладзімір Пярцоў.
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga