Знаходзячыся ў зале для кліентаў філіяла ААТ “Белаграпрамбанк” РКЦ №22 у горадзе Дзятлаве грамадзянка Г. убачыла на падлозе грошы — 200 еўра. Не задумваючыся аб наступствах свайго ўчынка, жанчына прысвоіла знаходку.
Аказалася, што знойдзеныя грошы выпалі з пакета грамадзянкі В., якая пазней звярнулася па дапамогу да праваахоўнікаў.
Сваімі наўмыснымі дзеяннямі грамадзянка Г. учыніла злачынства, прадугледжанае часткай 1 артыкула 205 Крымінальнага кодэкса Рэспублікі Беларусь (тайны крадзеж маёмасці).
Супрацоўнікі раённага аддзела Следчага камітэта нагадваюць, што згубленыя рэчы і грошы трэба вяртаць гаспадарам, а калі ўстанавіць уладальнікаў немагчыма — звяртацца ў раённы аддзел міліцыі.
М. ЛІТАВАР,
следчы Дзятлаўскага раённага аддзела Следчага камітэта
