18 кастрычніка ў раённым выканаўчым камітэце прамую тэлефонную лінію для жыхароў Дзятлаўшчыны правёў дэпутат Палаты прадстаўнікоў Нацыянальнага сходу Рэспублікі Беларусь Уладзімір Сіняк.
За дзве гадзіны Уладзіміру Аляксандравічу паступілі 3 тэлефонныя званкі.
Жыхар райцэнтра звярнуўся да дэпутата з просьбай аб добраўпарадкаванні вуліцы Францыска Скарыны. Ці будзе выканана просьба дзятлаўчаніна, Уладзімір Сіняк пацікавіўся ў намесніка старшыні райвыканкама Дзмітрыя Баравіка. Як стала вядома, праблема знаходзіцца на кантролі ў раённым выканаўчым камітэце, і работы на гэтым участку вяліся сіламі РУП ЖКГ: ужо высыпаны ніжні слой дарожнага пакрыцця вуліцы, а ў наступным годзе яе плануецца ўключыць як грунтавую ў рэспубліканскую праграму добраўпарадкавання дарожна-транспартнай сеткі і правесці тут канчатковую высыпку гравійна-пясчанай сумессю.
Наступнага заяўніка з вёскі Сачыўляны хвалявалі праблемы ў рабоце мясцовай каналізацыйна-помпавай станцыі. Па тлумачэнні на гэты конт дэпутат звярнуўся да дырэктара Дзятлаўскага РУП ЖКГ Васіля Пецюка, які зазначыў, што аб’ект сапраўды знаходзіцца на балансе камунгаса і паабяцаў узяць пытанне на кантроль.
Трэці званок зноў паступіў з горада Дзятлава. Тычыўся ён рамонту лазнева-аздараўленчага комплексу райцэнтра. Тлумачэнні даў Дзмітрый Баравік. Расказаў, што на рэканструкцыю гэтага аб’екта выраблена праектна-каштарысная дакументацыя, разлічаная на дзве чаргі будаўнічых работ. Раённы выканаўчы камітэт ужо накіраваў заяўку з прапановай уключыць рэканструкцыю лазнева-аздараўленчага комплексу ў Дзятлаве ў абласную інвестпраграму на 2024 год.
Ірына СТЫРНІК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
Какие результаты приносит Форум регионов и какие планы на этот год, рассказал журналистам председатель Комитета…
Камітэтам дзяржаўнага кантролю Гродзенскай вобласці пры праверцы аднаго з раённых упраўленняў капітальнага будаўніцтва, якое выконвае…
Акунуліся ў свет сучаснай журналістыкі выхаванцы летніка “Расток” сярэдняй школы № 3 горада Дзятлава імя…
Навучэнцы Дзятлаўскай дзіцячай школы мастацтваў разам з педагогам Жаннай Лукашэняй, бацькамі, бабулямі і дзядулямі наведалі…
Член Пастаяннай камісіі Савета Рэспублікі па эканоміцы, бюджэце і фінансах, начальнік галоўнага фінансавага ўпраўлення Гродзенскага…
Гродненская площадка на Форуме одна из самых больших по площади, уступает только Минской. Стилизована под…