Прафілактыка каранавіруса

У сувязі з павелічэннем колькасці зарэгістраваных выпадкаў каранавіруснай інфекцыі ў Рэспубліцы Беларусь, а таксама ў Дзятлаўскім раёне Дзятлаўскі раённы цэнтр гігіены і эпідэміялогіі звяртае ўвагу на неабходныя меры бяспекі.

Да асноўных сімптомаў каранавіруснай інфекцыі COVID-19 адносяцца павышаная і высокая тэмпература цела, слабасць, кашаль, парушэнне дыхання, боль у мышцах і дыскамфортныя адчуванні ў грудной клетцы, якія змяняюцца болем за грудзінай.

Прафілактыка каранавіруса ў чалавека накіравана на захаванне мер па прадухіленні заражэння інфекцыяй, а таксама ўмацаванне ахоўных уласцівасцяў арганізма.

* Выконвайце правілы асабістай гігіены. Сачыце за чысцінёй рук: перыядычна мыйце іх з мылам, а калі гэта немагчыма, старанна апрацоўвайце рукі дэзынфікуючымі сродкамі.

* Не выкарыстоўвайце чужыя прадметы асабістай гігіены.

* Абавязкова мыйце рукі перад прыёмам ежы. Не карыстайцеся агульным посудам для піцця або ежы з іншымі людзьмі.

* Пакуль рукі не вымытыя ці не прадэзынфікаваныя, не дакранайцеся да носа, вуснаў і іншых частак твару, бо можна перанесці сабе на скуру розныя хваробатворныя мікраарганізмы (вірусы, бактэрыі, грыбкі).

* Пры кашлі, чханні, насмарку прыкрывайце рот і нос аднаразовымі сурвэткамі, якія потым адразу выкідвайце, а рукі апрацуйце антысептыкам.

* Пазбягайце месцаў вялікага скаплення людзей. Адмоўцеся ад масавых гулянняў.

* Старайцеся трымаць дыстанцыю ад людзей да 1,5 — 2 метраў.

* Апрацоўвайце антысептыкам свой тэлефон, клавіятуру, мышку, стол, пульты, аргтэхніку і іншыя рэчы дома і на рабоце.

* У выпадку з’яўлення сухога кашлю, ліхаманкі, абцяжаранага дыхання, насмарку і іншых сімптомаў вострых

рэспіраторных вірусных інфекцый на фоне слабасці звярніцеся ў медыцынскую ўстанову па дапамогу.

* Вядзіце здаровы лад жыцця: больш рухайцеся, высыпайцеся, ешце прадукты з вялікім утрыманнем вітамінаў, адмоўцеся ад алкаголю і курэння, не прымайце без паказанняў антыбіётыкі, не дапускайце пераахаладжэння арганізма.

* У месцах вялікай колькасці людзей, у грамадскім транспарце або пры кантакце з хворым носіце медыцынскія маскі.

* Мінімальна знізьце зносіны з асобамі пенсійнага ўзросту. Як паказвае статыстыка, найбольш уразлівыя перад КОВІД-19 людзі старэйшага пакалення.

Алена ШАЙБАК,
галоўны доктар Дзятлаўскага райЦГЭ
Наталля ЮРЭНЯ,
валеолаг

Подписывайтесь на телеграм-канал «Гродно Медиа Group» по короткой ссылке @GrodnoMediaGroup